Matyu 25:6 - Udél Dwata: Gna Kesfasad ne Lomi Kesfasad

⁶ Timbow deng sóól buteng, tódô btang lem klingu le yóm tey tmaba, monen, ‘Ni deng kól yóm logi myehen. Géhél ye, ne ye e senlong.’

Matyu 25:6 Referans Kwoze

2 Pitér 3:10

Okóm bè yóm kdaw kesfulék yóm gónó tekuy mogot, tódô kdéen tau gotu ktut, lómón kektut le ke wen mnagaw bélê le. Bè yóm kdaw yó, tódô gungol le yóm tey muni bong, ne tódô kmanas bè ofi yóm longit, ne gotu mkekeb yóm kdéen nô du. Dalang se yóm tonok ne kdéen ton tahen, tódô gotu kmanas.

Matyu 25:1

“Bè yóm kdaw angat kkólu,” mon Jisas, “yóm kmò kogot Dwata tau, hol lómón yóm sfolò kem libun mit solok na a semlong yóm logi myehen.

Matyu 24:44

Duhen yó, eles tendo ningat ye yóm bud kkólen elem blóng ye yóm Ngà Tau, abay se kulel angat kkólen bè yóm uras là gingat ye du.”

Matyu 24:31

Ne angat tey uni féw bong gu bè longit mò ilô yóm kehewóten yó kem hógówen gu bè longit mò na a semtifun yóm kdéen tau deng nélék Dwata bè klamangen benwu.”

Isaya 25:9

Sok bangen kól du yóm yó, tódô kdéen tau gotu mon du, “Du se yóm hol kum Dwata. Sónen du yóm kum snalig ne deng lenwaen mi. Du se hol gónó me mogot ne tey bong kligal me yóm kmoen ni abay se deng lenwaen mi.” Là gomongen bè nili yóm bérs 10 kól bè 12. Yó tulónen bè ni kem bérs ni yóm ktafak Dwata yó kem tau bè benwu Muab lemwót bè yóm alì keheklabak le.

Deng Hegfan 16:15

Ne mudél yóm hol gónó mogot, monen, “Ngem, angat le gotu ktut bè yóm kkólu, lómón kektut le ke sut yóm tau mnagaw. Hligal kun yóm tau eles mingat do, yóm tau deng eles hentifesen yóm nes leseken anì là mógówen là mnes bè yóm kkólu, ne anì laen dù gónón myak bè gónón wen.”

1 Tisalunika 4:16

Bè yóm kkólen, wen gna hemsag gu bè longit mò mbal yóm kdéen. Ne mudél se yóm hol geta bè yó kem gel hógów Dwata nô bè yó, lel yóm tey uni féw Dwata, ne ominen yó htuntun gu tta bè longit yóm gónó tekuy mogot. Ne segeng le se bud mowil yó kem tau hemtahu béléen deng tehe gna matay.

Kun Snulat Luk 12:46

Hek na a kól yóm gónóhen mogot bè yóm kdaw là getgamahen du, yóm kdaw là gingaten du. Ngem kà hnatayen du yóm tau yó, ne uliten du yóm kul glumfak yó kem tau là mimónen.

Kun Snulat Luk 12:20

Okóm mudél ebéléen Dwata, monen, ‘Nungeli nim uu. Són ktauhem kifu ni kdeng. Ne yó kem deng henyuhem yó, tau du de bud mfun kul?’ ”

Matyu 25:31

“Kesok bud kól yóm Ngà Tau mò mogot klamangen,” mon Jisas, “tódô kdéen hógów Dwata gu bè longit gotu semguyun du, ne angat myón bè yóm gónón myón kmukum.

Amus 4:12

“Yó gónóm mon, kem tau Israél, angat bud wen he sidek nmou bélê ye. Lemwót bè yóm angat nmou bélê ye ni, kem tau Israél, eles ye htifes bè yóm angat kdà ye bè solu yóm Dwata ye.”

Kem Lingón 98:9

bè solu Dwata. Yakà kól Dwata nan e knukum klamang benwu. Knukumen klamang benwu mlan bè ktedengen, ne laen kô dù mtukul nfihen.

Kem Lingón 96:13

sok kól Dwata mò kmamal yóm klamangen. Angat tey tedeng yóm kkamalen kdéen tau, laen kô dù mtukul nfihen.

Matyu 25:5

Lemwót yóm logi myehen, wen gónóhen ganggà, là géhélen kól. Yó gónóm mon, deng mom moo ktuk yóm sfolò kem libun, gotu le gtungô.

Matyu 25:7

Segeng le se btik yóm sfolò kem libun, gotu nwa le yó kem solok le, ne gotu sentódô le sembwan le.