Matyu 25:5 - Udél Dwata: Gna Kesfasad ne Lomi Kesfasad

⁵ Lemwót yóm logi myehen, wen gónóhen ganggà, là géhélen kól. Yó gónóm mon, deng mom moo ktuk yóm sfolò kem libun, gotu le gtungô.

Matyu 25:5 Referans Kwoze

Hbakuk 2:3

Okóm yóm htonu kóm ni, olohem na smulat du abay se là deng ni du he ksuten, bede angat hol dohò. Ke malù legen ksuten, nahem hol nangat, abay se ke deng kól yóm kdawen, là kóen ganggà.

Kun Snulat Luk 20:9

Ne bud mudél Jisas ebè yó kem tau, bede hningónen, monen, “Wen sotu tau lamang huluhen boluyen grép. Ne mdengen se kem tau hogoten du, ominen lemwót milo ebè dumu benwu, nan na legen yóm knóen ditu.

Matyu 24:48

Là, ke yó mefet bè nawahen yóm tau mò nmò yó, ke mom monen, ‘A, legen he ni kkólen yóm gónóhu mogot.’

Kun Snulat Luk 12:45

Là, ke yó mefet bè nawahen yóm tau mò nmò yó, ke mom monen, ‘A, léét he ni kkólen yóm gónóhu mogot.’ Ne nbuten mfes yó kem dumuhen mò nmò, kem logi ne kem libun. Ne fen hebsow mken ne hlengel minum se kun.

Matyu 25:19

Deng tey kegenen mógów ne yóm gónó le mogot, ominen bud kól. Ne gotu htabahen yó kem tau tehe wen hogoten kul. Gotu snólóken bélê le yóm kmò khógów le du yóm filak tehe hogoten kul.

1 Pitér 5:8

Bê kuy abay gel hlingay, hol ye eles htigel. Abay se wen Seitan yóm hohon ye, sónmoen mebel yóm tau mò hensideken, lómón yóm liyun, sónmoen mebel kenfóen mò nséken.

Ifisus 5:14

Okóm ke wen hlayag kul, yó se gónó le baling layag se kul. Tahu yóm gel mon le, “Btiki ne, tau tungô. Mowili dé, tau matay. Wen Krays fen hlayag kóm.”

Sulat Pol Ebè Yó Kem Tau Hemtahu Bè Rom 13:11

Hol dnalang tekuy yóm kesbong nawa, abay se deng duhen ni ne yóm bang kebtik tekuy. Bè kbut yóm kehtahu tekuy, tolo mima he yóm kkól Jisas. Okóm ni, deng tey moni ne.

Kun Snulat Luk 18:8

Yó tulónu kuy,” mon Jisas, “tódô kendel gel nfihen lu. Okóm bè yóm kdaw angat bud kesfuléken edini yóm Ngà Tau,” monen, “ngunte ke wen tau angat tonen hemtahu béléen.”

Matyu 26:43

Ominen bud mulék ebè yó kem tlu tau niten, deng le mom bud henga tungô, là kô dog gukat le du mata le.

Matyu 26:40

Timbow deng knihen, ominen mulék ebè yó kem tlu tau nwiten, deng le mom gotu henga tungô. Gotu bentiken lu, ne monen mò ke Pitér, “Là gbek ye mingat kô, balù tek sotu uras?

Deng Hegfan 2:25

Okóm hol hbegel ye mogot du yóm tahu tolok deng tngón ye efet kkólu.

Matyu 25:4

Okóm eles wen kul lenagas nwit yó kem libun hulung hedem.

Matyu 25:6

Timbow deng sóól buteng, tódô btang lem klingu le yóm tey tmaba, monen, ‘Ni deng kól yóm logi myehen. Géhél ye, ne ye e senlong.’

Kun Snulat Luk 1:21

Bong yó kem tau mdà bè lewà yóm Gónô Dwata, tey kessangat le ke Sekariya, tennga le yóm alì gónón ganggà ditu lemen.