Matyu 25:44 - Udél Dwata: Gna Kesfasad ne Lomi Kesfasad

⁴⁴ Ne angat bnalà le se, mon le, ‘Kilón de kton me kóm bitil, Sér, ne meeng ne milo? Ne kilón de yóm klaen dù nesem ne yóm kwen desem ne yóm knóem lem blanggù, ne là dog tnóbóng me kóm?’

Matyu 25:44 Referans Kwoze

Kun Snulat Luk 10:29

Okóm yóm tau tmolok hlau yó, tô hemtedeng knô. Yó gónón mon du mò ke Jisas, “Tmau du se mò bang dumuhu du?”

Matyu 7:22

Kesok bangen hto yóm kdaw kkukum Dwata tau, angat tey dê tau mon du mò do, ‘Ó Dwata, tehe gel hlan me bè kóm boluy yóm gel ktugod me ke Dwata. Bud hlan me bè kóm boluy se yóm tehe gel kehdó me kem tulus seitan, ne yóm tehe gel kmò me yó kem hentaw ton.’

Malakay 3:13

Bud mon Dwata, “Tey dê udél ye sidek etahu.” Okóm mom bud mon ye he, “Tedu de alì udél me sidek ebéléem du?”

Malakay 2:17

Deng tey kehtakas ye ke Dwata bè yó kem gel udél ye. Déke snólók ye, mon ye, “Udél du du gónó me deng htakas ke Dwata?” Yó udél ye htakas ke Dwata yóm gel kmon ye du, “Moen de ke tódô bayà Dwata lu yó kem tau gel mò sidek, là kô dog tnafaken kul? Nô se du yóm Dwata tedeng kkukumen?”

Malakay 1:6

Yó udél yóm Dwata laen dù là gbeken du ebè yó kem tau gel blóng ebéléen, monen, “Hol gel nadaten maen yóm ngà ne yóm tóbóng lówó hol gel wen klikoen yóm amohen. Igoen ou mà ye, moen de ke là nadat ye dou? Igoen ou se gónó ye mogot, moen de ke laen dù klikò ye dou? Yu kem tau blóng ebéléu, yu se yóm deng hemgnok do.” Okóm mom yó mon ye mò dou, “Tedu de deng gónó me hemgnok kóm?”

Jirimaya 2:35

Mom yó gel mon ye, ‘Laen kô dù salà deng nmò me. Là kô lenbut Dwata kum.’ Okóm ni, ou se yóm Dwata angat tmafak kuy, abay se deng hnalà ye yóm kegsalà ye.

Jirimaya 2:23

Okóm yó gel udél ye, ‘Kéng yóm monem yó. Là kô me gel tmaba ebè Baal se kum.’ Okóm hnénég ye dé yóm deng nmò ye ditu bè sbong. Hol hendem ye yóm deng nmò ye bè yó. Bè yóm kektes ye yó kem dumu dwata, hol lómón ke yu yóm kamél libun móyô logi, sónmoen mlóy sembeweg mebel tô lanen.

Matyu 5:6

Tey kehyuhen bélê le kul yó kem tau ke hol nô bè nawa le mò du yóm kun kóyô Dwata, abay se Dwata angat hol hegsengel nawa le.

Matyu 10:41

Yóm tau ke hnódóhen yóm tau hógów Dwata, abay se dilóen yóm khógów Dwata du, angat tódô senged se yóm ofol blay Dwata kul yóm lewu le. Ne yó se tau hnódóhen yóm tau hyu kmoen, abay se dilóen yóm kehyuhen, tódô senged se yóm ofol blay Dwata kul yóm lewu le.

Matyu 25:43

Yóm tehe kilohu, là kô hnódó ye do. Yóm tehe klaen dù nesu, là kô dog benlay ye do. Yóm tehe kwen desu ne yóm tehe knóu lem blanggù, là kô dog sen-gifà ye do.’

Matyu 25:45

Ne yó monen mò kul yóm Tau Hol Geta yó, ‘Tódô tulónu kuy ktahuhen, yóm là dog któbóng ye yó kem tau alì gdanà, lómón se yó ne yóm là dog któbóng ye dou.’