Matyu 25:3 - Udél Dwata: Gna Kesfasad ne Lomi Kesfasad

³ Lemwót yó kem libun là hulung hedem, là dog le mit lenagas mò tgama le ke gotu yóm gnan.

Matyu 25:3 Referans Kwoze

2 Timuti 3:5

Ya mo kmung le sbung bè simbahan du, okóm là kô le himón. Béi hegbool bélê le kóm.

Isaya 58:2

Tey tendo gel ktaba le ebéléu ket kdaw. Yó mon le móyô le temngón du kun yóm dou lan ne mimón du yóm dou hlau. Kóyô le kun ke blayu kul yóm hlau tedeng. Ne tey hyu nawa le kun tmaba ebéléu. Okóm olo beyen mon le yóm udél le yó.”

Deng Hegfan 3:1

“Budi smulat do ebè yóm fen gel malak yó kem tau hemtahu bè Sardis, monem mò du, ni udélen ebélê ye yóm gónón hol nô yóm Tulus Dwata hitu kay kfasangen, yóm mogot yó kem hitu blotik.” Yó monen, “Deng gotu tngónu se yóm gel nmò ye. Bè kuy kehedem du deng ye tótól bè kehtahu ye, okóm là he, tolo ye golu elem hatay.

Hibru 12:15

Hol ten-gama ye anì là wen bélê ye bè yó kmogol du yóm tey nawa Dwata ebéléen. Hol ten-gama ye yóm nawa là hmifót. Ke hlingónu du yóm nawa yó, hol lómón ke yóm kluon wen alasen, gbeken alì hmayam du yóm tau glo du.

Isikél 33:3

Yóm tau mentey nélék le yó, ke tonen ksut yó kem hohon le, yó nmoen, kendel mféw anì getgama le yó kem tau.

Matyu 25:1

“Bè yóm kdaw angat kkólu,” mon Jisas, “yóm kmò kogot Dwata tau, hol lómón yóm sfolò kem libun mit solok na a semlong yóm logi myehen.

Matyu 25:2

Limu bélê le yóm là hulungen hedem, ne limu se hulung hedem.

Matyu 25:4

Okóm eles wen kul lenagas nwit yó kem libun hulung hedem.

Kem Udél Hlalak Tehe Selumun 31:18

Tngónen yóm tey kbong muhen yóm nmoen mò gel hbaluen ne balù kifu sana kmoen du.