Matyu 25:1 - Udél Dwata: Gna Kesfasad ne Lomi Kesfasad

¹ “Bè yóm kdaw angat kkólu,” mon Jisas, “yóm kmò kogot Dwata tau, hol lómón yóm sfolò kem libun mit solok na a semlong yóm logi myehen.

Matyu 25:1 Referans Kwoze

Deng Hegfan 19:7

Hol tekuy hligal dé, hol dóyón tekuy yóm tey kegetahen, yakà dengen hto ne yóm buteng kmò le ken bè lówó yóm Ngà Ubiha, ne deng eles hetifes ne yóm libun angat yehenen.

Deng Hegfan 21:9

Ominen mógów ebéléu yóm sotu hógów Dwata, mogot sotu bè yó kem hitu tukung gónón nô yó kem hol són hlayam, monen mò do, “Mungi do, naw e tolok kóm yóm libun yehen yóm Ngà Ubiha.”

Deng Hegfan 21:2

Ne tódô tonu se yóm tey Syudad Dwata, yóm lomi Jirusalim. Tódô htuntun gu tta lemwót gu bè Dwata. Hol lómón ktiloben yóm libun deng eles hegkes bè kyehenen.

Kun Snulat Jan 3:29

Duhen yó,” mon Jan, “hol lómón ke yóm logi myehen, deng du funen yóm libun yehenen. Okóm yóm wè yóm logi myehen yó, tódô mdà bè yó, ne tey kehyu nawahen kungolen udél yóm ween myehen. Hol lómón yó se kligalu ni kmoen ni.

Matyu 13:24

Bud wen hningón Jisas bélê le, monen, “Yóm kogot Dwata tau, lómón yóm tau na a smohul yóm bnék hyu bè dnaduhen.

Isaya 54:5

Yóm Dwata tehe dmimun kóm, hol lómó kmoen ebéléem hol lómón ke du yóm tuha logihem. Yó kun boluy, duhen yóm Dwata laen dù là gbeken du. Angat lenwaen uu yóm Dwata yó kem tau Israél yóm laen dù belenen. Du se yóm hol kmamal yóm klamangen.

Deng Hegfan 14:4

Ni kem tau semngal ni, hono le kem tau laen dù belenen yóm gel nmò le, ne là kô le deng gemnóm lówó libun. Hono kem tau gel lemolò yóm Ngà Ubiha balù nô gónón e mógów. Deng nsoken lu lem blóng kem dumu tau, hol lómón ke lu tanay yóm bungu hulu gefet mò blay ke Dwata lewu le yóm Ngà Ubiha.

Taytus 2:13

Ni se hol nmò tekuy yóm igò tekuy semsangat du yóm kdaw hendón nefet nawa te, duhen yóm kdaw kesfuléken edini Jisas Krays, yóm Dwata tekuy, yóm deng lemwà tekuy gu lem hatay. Angat hol gfan bè yóm kdaw yó yóm alì kegetahen.

Matyu 22:2

“Yóm kogot Dwata tau, hol lómón yóm tau hol geta, wen ken bong nmoen bè lówó yóm ngaen logi.

2 Timuti 4:8

Ne ni, wen deng eles henyu yóm gónó tekuy mogot mò ofolu, yóm ofol blayen bè yó kem tau deng tedeng kmò le. Angat suen béléu bè yóm kdaw kekukumen tau, ne tey tedeng yóm kkukumen. Là kô són du ou se yóm wen ofolen, senged nóm se yóm kdéen tau deng eles tendo hemdón du yóm ksuten.

Matyu 3:2

“Hegsel ye ne, knogol ye ne yó kem sidek gel nmò ye, yakà móyónen hto ne yóm buteng Dwata mogot tau.”

Danyél 2:44

Bè yóm igò le tolo mogot benwu yó kem tau hol geta monu yó koni, yó nmò yóm Dwata nô bè longit, hetfingen yóm kun kogot tau ne laen dù gembek sembeweg du yóm kun kogot efet kól bè sónen ne laen se dù tau tles mogot du. Okóm yóm tau mogot yóm benwu yó, angat tódô gotu msulék genlaen yóm kul nogot, nmoen són le. Okóm yóm kun nogot, laen kô dù nan e són.

1 Kurin 11:2

Sotu gónóhu dmóyón kuy abay se là kô klifót ye du yóm tehe gel nmou, ne gel lolò ye yóm tehe toloku kuy.

Matyu 20:1

Bud mon Jisas mò kul, “Yóm kogot Dwata tau, hol lómón ke yóm sotu tau lamang grép huluhen. Sotu kdaw, tódô temkifu lemwót na a mebel tau mò nmò bè yóm huluhen yó.

Matyu 13:47

“Sotu bud gónó tekuy e hmingón du yóm kogot Dwata tau,” mon Jisas, “hol lómón ke yóm huket tudà le e talak lanaw, ne tey dê kay utón él tawanen.

Kem Lingón 45:14

Nalak le ebè yóm tau hol geta, leseken yóm nes alì tilob. Huli du yó kem sawang libun mung du.

Matyu 13:38

Ne yóm dnadu, hningónen yóm klamangen benwu. Ne yóm bnék hyu yó, duhen yó kem tau deng nogot Dwata. Yó hningón yóm kluon gbol lemen, duhen yó kem tau deng nogot Seitan.

Deng Hegfan 4:5

Ne là skasen tendo smilà lemwót bè yóm bangkù gónón myón yóm fen kmamal, sen-gengen se lemungkul ne lemték. Ne wen hitu solok lómón tô solok lunay tonu tendo lemtom bè solu yóm gónón myón yóm fen kmamal. Yó hnigaden yóm hitu solok lemtom yó, duhen yóm hitu kay kfasang yóm Tulus Dwata.

2 Kurin 11:2

Yó gónóhu tmulón du kuy nim ni, abay se sidek kélés nawahu kuy, hol lómón yóm kun kélés nawa kuy Dwata. Yó gónóhu e hmingón kuy, lómón ke sawang ye libun deng fen lenintihu ebè yóm sotu tau, duhen Krays.

Matyu 9:15

Ne bnalà Jisas lu, bede hningónen, monen, “Ke wen mò ken, là gbek le du ke là gbót le mken yó kem tau hol bak mulu yóm igoen tolo nô bélê le yóm logi myehen. Okóm angat wen kdawen tódô kwa le du bélê le yóm logi myehen. Yó he kton ye kul fasting.”

Matyu 5:16

Yake lómón yó se gel kmò ye bè yóm kuy layag. Hol nmò ye yóm hyu anì ton kem dumu tau, ne anì dóyón le yóm Mà tekuy bè longit.”

Kul Nmò 20:8

Yóm dfél gónó Pol tmolok yó, nô bè yóm sodò seel hol fi ta yóm gónô yó, ne tey dê solok lemen.

Matyu 13:31

Ne bud wen sotu hningón Jisas bélê le, monen, “Yóm kogot Dwata tau, hol lómón yóm lem hulu deng hulu yóm sotu tau bè tnibahen,

Matyu 25:7

Segeng le se btik yóm sfolò kem libun, gotu nwa le yó kem solok le, ne gotu sentódô le sembwan le.

Kun Snulat Jan 18:3

Ne tódô lemwót se Judas mógów ebè yó, nalaken yó kem tey sendalù wen, hono tau lemwót bè Rom. Mung kul yó kem tau gel mentey bè Gónô Dwata hógów yó kem tau hol geta bè yó kem gel demsù ebè Dwata ne yó kem Farisi. Gotu le mit ngom sfatay, ne bud le mit solok.

Deng Hegfan 8:10

Ominen mféw yóm getluhen. Tódô tonu yóm tey blotik bong mosok gu bè longit, lómón ketomen solok lunay. Botong gbut bè yóm kdéen él mlel gónón e gdek, ne bud gbut se bè yó kem tbul él.