Matyu 24:8 - Udél Dwata: Gna Kesfasad ne Lomi Kesfasad

⁸ Kdê ni kem ni, yó se ayawen yóm móyón kkól yóm hol són kdaw. Hol lómón yóm libun mlutut, sok kmuleng, ayawen sut yóm ngaen.

Matyu 24:8 Referans Kwoze

1 Tisalunika 5:3

Ofo kul tô mon du yó kem tau, “Hyu ne ni. Deng tinof ne laen bud knikò tekuy.” Okóm tódô mekto sut bélê le yóm tey glumfak le. Tódô le gotu ktut, lómón kektut yóm libun kmuleng blututen, ne là kô wen lan le hemlóy du snéen.

Dwata 28:59

angat tnafak Dwata yu dalang se yó kem ngà ye. Tafaken kuy yó kem des là mkóhen ne yó kem des alì leed mógów lem benwu.

Isaya 10:4

Yó angat gfà ye, wen se bélê ye matay bè gida ne wen se bélê ye negef le. Baluen se ke lómón yó gfà ye, là kóen deng teflok he yóm kebut Dwata kuy. Sana tolo kuhayen sigelen tmafak kuy.

Husiya 13:13

Deng wen lan le bud mowil yó kem tau Israél, okóm là móyô le du. Tey le nungel. Hol le mkél bè yóm ngà móyón sut gu lem blutut yéen, là dogen gewà gu lem balayen.

Mark 13:8

Angat wen kem benwu mit sgida bè kem dumu benwu. Angat tey dê benwu gónón e mbel linol bong ne bitil bong. Yó se ayawen yóm móyón kkól yóm hol són kdaw. Lómón yóm libun mlutut, sok kmuleng, ayawen sut yóm ngaen.

Kun Snulat Luk 21:12

Bede yóm hanà gu laanen,” mon Jisas, “na le na gotu kenfô yu, ne lel le hmayam kuy lemwót bè yóm klolò ye do. Angat nit le yu ebè yó kem gónô gel stifun yó kem Ju mò gónó le kmukum kuy, ne angat bnanggù le yu. Ne angat hdà le yu bè solu yó kem tau hol geta ne bè solu yó kem gubérnor lemwót bè yóm klolò ye do.

Sulat Jim 5:1

Na, yu kem tau wen kendengenen, hol hnungol ye o. Olò dnumu nkik ye dé yó kem tey hlayam sut bélê ye.