Matyu 24:7 - Udél Dwata: Gna Kesfasad ne Lomi Kesfasad

⁷ Angat wen kem benwu mit sgida bè kem dumu benwu. Ne tey dê benwu gónón mbel bitil bong ne linol bong.

Matyu 24:7 Referans Kwoze

Kun Snulat Luk 21:11

Angat tey dê benwu gónón mbel yó kem linol bong, ne bitil bong. Ne angat wen des tódô lenngeben klamangen. Ne angat tey dê hentaw ton bè longit yóm knikò tau.

Deng Hegfan 6:8

Ne tahu se, tódô tonu se yóm kudà malù bulow mélél. Yó boluy yóm tau smakay tahen, Hatay. Ne wen tau eles huli du boluyen Hidis. Benlay le lu kwalis hmatay tau, botong gbut tau bè klamangen benwu gbek hnatay le. Yó kmò keglà le kul, hlan le bè gida, ne bè bitil bong, ne bè kem des, ne bè yó kem ógóf lóbô lem bnes.

Sikaraya 14:13

Bè yóm kdaw yó, tey kehlangaf Dwata kul. Ket tau nwiten sfatay kem dumun.

Kul Nmò 11:28

Sotu bélê le boluyen Agabus, tódô mdà lem blóng le, wen tulónen kul mlan bè kun kfasang yóm Tulus Dwata. Yó tulónen, móyón mbel tey bitil bong bè klamangen benwu. (Tahu se, bè yóm tolo kun kogot bè Rom Klodyus, deng tódô uliten bè yóm deng eles tulón Agabus.)

2 Tutul Israél 15:6

Sfatay kem benwu, ne sfatay kem syudad, abay se monem, Dwata mò du bélê ye.

Deng Hegfan 6:12

Timbow deng yóm yó, tódô tonu yóm Ngà Ubiha, bud kóhen yóm gnemen dket bè yóm sulat lenulun. Tódô sen-gengen se mbel te tonok yóm tey linol bong. Tódô baling hitem yóm mata kdaw, hol lómón khitemen yóm nes alì hitem. Ne yóm bulón, hol lómó khulóen litô.

Hibru 12:27

Yó hol lanen yóm udél Dwata yó koni, tulónen yóm angat gotu ksinsigen yóm kdéen deng tehe dlimunen ekni mò hol són le. Yó tlesen du yóm là gbeken megsinsig, duhen yó se kem laen dù tul són le.

Kul Nmò 2:19

Angat wen tey hentaw ton hegfanu bè longit dalang se te tonok. Angat wen tey litô ton le, ne ofi ne kebel, yóm kebel hol lómón ke lobun mget.

Deng Hegfan 6:5

Timbow bud lemwót yóm tau smakay kudà hulô yó koni, omin yóm Ngà Ubiha mkó du yóm getluhen dket bè yóm sulat lenulun. Ne sen-gengen se mudél yóm getluhen bè yó kem fat mtulus, monen, “Géhéli edini ne.” Ne tahu se, tódô tonu se yóm kudà hitem hsut, mogot timbang yóm tau smakay tahen.

Deng Hegfan 6:6

Ne bud wen udél gungolu gu bè yó kem fat mtulus, mon le, “Yóm sukéy sendaw, tek sotu semun msó. Ke hulékem bè msó sibù, tek tlu semunen. Okóm béem hensidek yóm koyu ulib ne yóm hulu boluyen grép.”