Matyu 24:6 - Udél Dwata: Gna Kesfasad ne Lomi Kesfasad

⁶ Angat wen gungol ye tau sgida moni bélê ye, ne wen sentulón le gida bè dumu benwu mayuk snéen. Okóm bê ye abay hlikò. Ne gotu dohò ni kem ni, okóm là kô yó du he yóm hol són kdaw.

Matyu 24:6 Referans Kwoze

Kun Snulat Luk 21:9

Sok wen gungol ye tau sgida, duhen ke wen kem tau mit sfatay bè yóm tau gónó le kmulu, bê ye abay hlikò. Angat gotu dohò ni kem ni, okóm là yó du he yóm hol són kdaw.

Kun Snulat Jan 14:1

Ne yó bud mon Jisas mò kul, monen, “Hol bê ye hesbeweg kehedem ye. Snalig ye Dwata, ne snalig ye ou snéen.

2 Tisalunika 2:2

Hol bê ye abay kendel hesbeweg kehedem ye, ne bê ye hlangaf ke gungol ye deng gefet kun yóm kdaw kkól yóm gónó tekuy mogot. Déke wen se mon du lemwót bélê me nim tulón ni bè yóm tehe ktugod me ke Dwata, duhen bè yóm tehe ktolok me, duhen ke tehe tulón me bè sulat.

Kun Snulat Jan 14:27

Wen kenek nawa tebelu bélê ye. Hol lómón yóm dou kenek nawa nim tebelu bélê ye ni. Là kóen mkél bè yóm kul kenek nawa yó kem tau là hemtahuhen. Hol bê ye hesbeweg kehedem ye, ne bê ye se abay hlikò.

Kem Lingón 112:7

Là kô le likò anien ke sidek tulón sut bélê le, abay se tey mbegel ksalig le du yóm kehtahu le ke Dwata, mò semgyok kul.

Matyu 24:14

Bede nan glalag bè kdéen tau bè klamangen benwu he yóm Tulón Hyu gbak ebè yóm kmò kogot Dwata tau anì hol tngón le, ominen yó he kól yóm hol són kdaw.”

Kun Snulat Luk 21:19

Eles ye hol ye hbegel,” mon Jisas, “anì angat guta ye yóm klowil laen dù sónen.”

Isaya 12:2

Dwata se yóm lemwà do. Són du se do snalig ne yó gónóhu là bud likò. Béléen hol gónón lemwót yóm kgisu ne yóm kligalu, hol du se yóm lemwà do.

Kun Snulat Luk 22:37

Tódô tulónu kuy ktahuhen,” monen, “ebéléu gónón e gbak yóm tehe snulat le bè Sulat Dwata, yóm monen, ‘Angat homong hnatay le bè yó kem tau gel mò sidek.’ Nim deng snulat le ni, móyón dohò etahu ne.”

Matyu 26:54

Okóm ke yó nmou, tedu se tô kdohoen du yóm deng tehe hsulat Dwata golu etahu?”

Isaya 7:4

Yó tulónem du, monem, Elesi hol temgama ne hol henekem nawahem. Hol béi abay hlikò ne hol béem hesbeweg kehedemem. Laen dù knikoem du yóm kul kebut le Risin ne yó kem tau Sirya mung du yó, dalang se ke Pika. Yóm kul kebut yó hol lómón ke dù kebel yóm lewu snuk ofi, là bud le dmilóf.

Matyu 2:3

Mung kungol Hirod du yóm mon le yó, ya tey ktafa nawan, ne senged se yó kem dumu tau bè Jirusalim, gbót tafa nawa le se kul.

Deng Hegfan 6:4

Ne tahu se, tódô tonu se yóm kudà hulô hsut. Ne wen kfasang blay le yóm tau smakay tahen mò na a mit sgida ebè klamangen benwu anì na le e stibó yó kem tau. Ne wen tey sudeng tahà blay le du.