Matyu 24:5 - Udél Dwata: Gna Kesfasad ne Lomi Kesfasad

⁵ Abay se angat dê tau sut tô hlingu béléu. Yó angat mon le, ‘Ou se yóm Misaya.’ Ne tey dê tau gsukat bélê le.

Matyu 24:5 Referans Kwoze

Matyu 24:24

Abay se angat wen yó kem Misaya kéng sut, ne wen yó kem tau lembù tmugod ke Dwata. Angat tey dê hentaw ton hegfan le mò gónó le hol tô smukat yó kem tau deng kun nélék Dwata.

Matyu 24:11

Angat tey dê tau sut lembù tmugod ke Dwata, ne tey dê tau gsukat bélê le.

Jirimaya 14:14

Okóm yó balà Dwata dou, monen, “Yó kem tmugod yó, hlan le bè boluyu yóm kmò le kéng. Là kô naw e dók kul ne laen se kô dù htulónu kul. Balù sotu ke deng wen htugodu kul. Wen gel ton le kun, okóm là kóen lemwót béléu. Ne wen gel tulón le yóm angat sut, laen kô dù muhen. Olo bè kul kehedem gónón lemwót yó kem yó.

1 Jan 2:18

Ó kem ngà, deng móyónen gesón ne nim benwu ni. Deng eles gungol ye ne yóm ksut yóm hmohon ke Jisas. Balù nim kmoen ni, deng dê ne yóm sut hmohon du. Yó se mò ilô tekuy du yóm móyón kegesón nim benwu ni.

Jirimaya 23:25

Deng gungolu yóm gel tulón yó kem tau tmugod kéng yó yóm gel mon le, ‘Deng wen hekna Dwata dou ebuteng.’

Kun Snulat Jan 5:43

Bè nim kógówu edini ni, lemwót bè kun kwalis Mà, yóm hógów do, okóm là kô dog henmóyô ye dou. Bede ke wen yóm tódô lembù sut, tey mahil henmóyô ye.

Deng Hegfan 13:8

Tódô kdéen tau te tonok gotu hemtahu béléen yóm ógóf lóbô yó. Són olo là hemtahu béléen, són yó kem tau deng gsulat boluy le bè yóm bok lowil, yóm kun bok yóm Ngà Ubiha tehe hnatay le. Deng eles gotu snulaten ne boluy yó kem tau wen klowil laen dù sónen gu laanen là deng dmimun du yóm kentihen.

Jirimaya 23:21

Yó bud udél Dwata, monen, “Yó kem tmugod yó là kô naw e hógów kul dou, kaem tódô lenbù le mógów. Laen kô dù htugodu kul, kaem tódô lenbù le tmugod hlan le bè dou boluy.

Jirimaya 37:9

Yó bud udél Dwata, monen mò kuy, Ofo kuy mon du ke là bud le semfulék yó kem sendalù Babilun. Kaem bud senfulék le yu he.

Kun Snulat Jan 8:24

Yó gónóhu mon du mò kuy, sana tolo kbô ye du he salà ye ke sok ye matay. Ne tahu se yó, ke là hentahu ye du yóm deng tulónu kuy bè dou ktau, sana tolo kbô ye du he yóm salà ye bè yóm katay ye.”

Kun Snulat Jan 8:28

Bud mon Jisas mò kul, “Ke sok deng hteg ye kros yóm Ngà Tau, yó he angat kdilô ye do. Ne dilô ye snéen yóm klaen dù tódô genbeku ke tek són ou, ne yóm klaen dù lenbù tulónu, són olo tulónu yóm deng hlolò Mà do.

1 Jan 2:22

Tau du se yóm bong kéngen? Kaem yóm tau henkéngen ke Jisas yóm Misaya, yóm deng nélék Dwata mò hkamalen yóm klamangen. Yó se yóm tau hohonen Krays. Deng kenbéen yóm Mà tekuy lewu le yóm Ngaen.

1 Jan 4:3

Okóm ke là hentahuhen du, sundu Tulus Dwata du yóm malak du yóm tau yó, kaem tulus lemwót bè Seitan, yóm hohon Krays. Deng eles tehe gel gungol ye se yóm angat ksuten. Duhen ni sem deng sut ni kmoen ni.