Matyu 24:47 - Udél Dwata: Gna Kesfasad ne Lomi Kesfasad

⁴⁷ Tódô tulónu kuy ktahuhen, yóm tau gulit kmoen nmò yó, angat hkemen du yóm gónón mogot yóm kdê kimuhen.

Matyu 24:47 Referans Kwoze

Matyu 25:23

Ne bud monen se mò du yóm gónón mogot, ‘Wóyón dé. Tey hyu nim uu, teyi gulit. Lemwót bè yóm kgulitem bè yóm udì hogotu kóm, bong ne sigangu tahem. Yó ne, holi mung dou dé anì gmungi lemen yóm dou kligal.’

Matyu 25:21

Ne monen se mò du yóm gónóhen mogot, ‘Wóyón dé. Tey hyu nim uu, teyi gulit. Lemwót bè yóm kgulitem bè yóm udì hogotu kóm, bong ne sigangu tahem. Yó ne, holi mung dou dé anì gmungi lemen yóm dou kligal.’

Kun Snulat Luk 12:37

Hligal le du kul yó kem tau là deng le henga bè yóm kkólen, ne ke deng le eles htifes. Yó tódô tulónu kuy,” mon Jisas, “yóm gónó le mogot yó, angat du tles bud temdof kul. Gotu senseyónen lu, ne henkenen lu.

Kun Snulat Luk 12:44

Tódô tulónu kuy ktahuhen,” mon Jisas, “yóm tau gulit kmoen nmò yó, angat gotu hkemen du yóm gónóhen mogot yóm kdê nfunen.

Deng Hegfan 21:7

Yóm tau gel matù bè yó kem sidek gel sut, ou se baling kun Dwata, ne du se baling dou ngà.

Deng Hegfan 3:21

Yó kem tau gel matù bè yó kem sidek gel sut, angat wen kwalis blayu kul anì gemyón le klohoku bè yóm gónóhu myón kmamal yóm klamangen. Yóm katù le yó, hol lómón se yóm deng dou katù, ne kyónu klohok Mà bè yóm gónóhen myón kmamal se kun.

2 Timuti 2:12

Ke hulung te hbala, angat te gomong mogot benwu béléen. Okóm ke hnalà te yóm ketngón te du, angat hnalaen tu se kun.

Kun Snulat Luk 19:17

Yó balaen du yóm tau kól yó, monen, ‘Wóyón dé, teyi gulit nim uu. Lemwót bè yóm kgulitem bè yóm udì hogotu kóm, sfolò benwu tles hogotu kóm.’

1 Pitér 5:4

Ne ke bud semfulék edini Jisas, yóm semgyok ubiha hol geta bè kdéen, wen tey ofol blayen kuy, yóm ofol là kóen monol yóm alì kehyuhen.

Kun Snulat Jan 12:26

Yóm tau móyô mimón do,” mon Jisas, “là kô gbeken du ke là loloen do. Balù kihu gónóhu nô, yó se bud kun gónó nô. Angat tey kadat Mà du yóm tau ke nimónen o.”

Danyél 12:3

Yó kem tau hulung hedem, kem tau nit le kem dumu le ebè yóm lan tedeng, angat tey keslinang le hol lómón yó kem blotik bè longit ne laen dù sónen yóm keslinang le yó.

Kem Udél Hlalak Tehe Selumun 14:35

Tey hligal yóm tau hol geta bè kehyu kmò yó kem tau smugung béléen, okóm tey sidek kebuten du yó kem tau mò yóm gónón myak.

Matyu 24:46

Hligal kun yóm tau mò nmò yó ke tolo lelen hteneb mò nmò bè yóm kkól yóm gónón mogot.

Matyu 24:48

Là, ke yó mefet bè nawahen yóm tau mò nmò yó, ke mom monen, ‘A, legen he ni kkólen yóm gónóhu mogot.’