Matyu 24:44 - Udél Dwata: Gna Kesfasad ne Lomi Kesfasad

⁴⁴ Duhen yó, eles tendo ningat ye yóm bud kkólen elem blóng ye yóm Ngà Tau, abay se kulel angat kkólen bè yóm uras là gingat ye du.”

Matyu 24:44 Referans Kwoze

Matyu 25:10

Kogol yóm kewót le, kól se yóm logi myehen, ne tódô hlós ebè yóm gónô gónó le mò ken bè lówóhen, ne gmung yóm limu kem libun hulung hedem. Yóm kkól le bè yó, gotu le husek elemen, ne tnikeb le beng.

Matyu 25:13

Yó gónóm mon,” mon Jisas, “eles ye hol temgama se kuy. Là kô tngón ye du yóm kdaw angat kkólu, duhen ke tedu urasen.”

Matyu 24:42

Yó gónóm mon, eles ye mingat abay se là kô tngón ye du yóm kdaw angat kkól yóm gónó ye mogot.

Kun Snulat Luk 12:40

Ni bud huléku edu,” monen. “Eles tendo ningat ye yóm bud kkólen elem blóng ye yóm Ngà Tau, abay se kulel angat kkólen bè yóm uras là gingat ye du.”

Flipay 4:5

Hol hen-ganag ye nawa ye bè yóm kdéen tau. Móyónen kól ne yóm gónó tekuy mogot.

Matyu 24:27

Bè yóm angat bud kkól yóm Ngà Tau, hol lómón mkal silà, tódô lemayag klamang longit lemwót dmata kdaw kól desdef. Tódô kdéen tau gotu mton du.

Deng Hegfan 19:7

Hol tekuy hligal dé, hol dóyón tekuy yóm tey kegetahen, yakà dengen hto ne yóm buteng kmò le ken bè lówó yóm Ngà Ubiha, ne deng eles hetifes ne yóm libun angat yehenen.

Sulat Jim 5:9

Sotuhen, kem dumuhu setwoli, bê ye abay gel sduón anì là angat tnafak Dwata kuy. Ngem deng mdà snolu aut ne yóm angat kmukum tekuy, són kotunen duen.

Matyu 24:43

Ke eles tngón yóm tau fun gónô yóm kifu nan e knagaw lem gónóen yóm tau mnagaw, eles mabung anì là guseken yóm tau mnagaw.

Kun Snulat Luk 12:39

Yó mò nit nawa ye, ke eles tngón yóm tau fun gónô yóm kmò kifu nan e knagaw lem gónóen yóm tau mnagaw, eles gabungen anì là guseken elem gónóen yóm tau mnagaw.

Kun Snulat Luk 21:36

Yó gónó ye eles hol temgama, ne bê ye senkó yóm tendo gel mni bè Dwata anì gbek ye hembala du yóm kdê tulónu kuy ni, ne angat laen kô dù gónó ye myak sok ye mdà bè solu yóm Ngà Tau.”