Matyu 24:42 - Udél Dwata: Gna Kesfasad ne Lomi Kesfasad

⁴² Yó gónóm mon, eles ye mingat abay se là kô tngón ye du yóm kdaw angat kkól yóm gónó ye mogot.

Matyu 24:42 Referans Kwoze

Kun Snulat Luk 21:36

Yó gónó ye eles hol temgama, ne bê ye senkó yóm tendo gel mni bè Dwata anì gbek ye hembala du yóm kdê tulónu kuy ni, ne angat laen kô dù gónó ye myak sok ye mdà bè solu yóm Ngà Tau.”

1 Tisalunika 5:6

Duhen yó, bê tekuy dnalang yóm kul kehlingay yó kem dumu tau, lómón tô le lemnga tungô. Eles tekuy hol mingat dé, ne hol tekuy hfulung hedem.

Matyu 25:13

Yó gónóm mon,” mon Jisas, “eles ye hol temgama se kuy. Là kô tngón ye du yóm kdaw angat kkólu, duhen ke tedu urasen.”

Deng Hegfan 16:15

Ne mudél yóm hol gónó mogot, monen, “Ngem, angat le gotu ktut bè yóm kkólu, lómón kektut le ke sut yóm tau mnagaw. Hligal kun yóm tau eles mingat do, yóm tau deng eles hentifesen yóm nes leseken anì là mógówen là mnes bè yóm kkólu, ne anì laen dù gónón myak bè gónón wen.”

1 Kurin 16:13

Hol ye tendo eles temgama. Hol hbegel ye kehtahu ye. Bê ye hegdolol nawa ye, hol ye setgel.

Matyu 24:36

“Laen kô dù tau temngón du yóm kdaw angat kesfuléku duhen ke tedu urasen,” mon Jisas. “Balù yó kem hógów Dwata gu bè longit, là kô tngón le du se kul. Dalang se do, là kô tngónu du. Tek són Mà bè longit temngón du.

Sulat Pol Ebè Yó Kem Tau Hemtahu Bè Rom 13:11

Hol dnalang tekuy yóm kesbong nawa, abay se deng duhen ni ne yóm bang kebtik tekuy. Bè kbut yóm kehtahu tekuy, tolo mima he yóm kkól Jisas. Okóm ni, deng tey moni ne.

Matyu 24:44

Duhen yó, eles tendo ningat ye yóm bud kkólen elem blóng ye yóm Ngà Tau, abay se kulel angat kkólen bè yóm uras là gingat ye du.”

1 Pitér 5:8

Bê kuy abay gel hlingay, hol ye eles htigel. Abay se wen Seitan yóm hohon ye, sónmoen mebel yóm tau mò hensideken, lómón yóm liyun, sónmoen mebel kenfóen mò nséken.

1 Pitér 4:7

Móyón sut ne yóm hol són kdaw. Duhen yó, hol ye gel hfulung mafas nawa, bê ye gel hlingay anì laen dù gónón gseng yóm gel kni ye bè Dwata.

Matyu 24:43

Ke eles tngón yóm tau fun gónô yóm kifu nan e knagaw lem gónóen yóm tau mnagaw, eles mabung anì là guseken yóm tau mnagaw.

Matyu 25:10

Kogol yóm kewót le, kól se yóm logi myehen, ne tódô hlós ebè yóm gónô gónó le mò ken bè lówóhen, ne gmung yóm limu kem libun hulung hedem. Yóm kkól le bè yó, gotu le husek elemen, ne tnikeb le beng.

Kun Snulat Luk 21:34

Bud mon Jisas mò kul, “Eles ye hol temgama anì là són du yó gónón nô nawa ye bè kken ye ne bè kinum ye ne bè kmò kebel ye klowil ye. Déke tódô mekto ksuten bélê ye yóm kdaw yó igò ye là deng getgama.