Matyu 24:4 - Udél Dwata: Gna Kesfasad ne Lomi Kesfasad

⁴ Bnalà Jisas lu, monen, “Hol ten-gama ye anì laen dù tau gónó ye gsukat.

Matyu 24:4 Referans Kwoze

1 Jan 4:1

Ó kem weu do dumu sogot nawa, bê ye kendel tódô hentahu ke wen tau mon du nô béléen kun yóm Tulus Dwata. Ke yó se gel mon le, na ye na hol nilô bè ktolok le ke tahu lemwót bè Tulus Dwata duhen ke là. Yakà dengen tey dê tau tódô lembù tmugod ke Dwata nim kmoen ni.

2 Tisalunika 2:3

Hol ye temgama anì laen dù gemsukat kuy. Abay se là kóen tagad sut he yóm kdaw bud kkól yóm gónó tekuy mogot ke là nan gegna yóm alì kekbê le ke Dwata yó kem tau, ne nan na hegfan he yóm tau alì hulung mò sidek. Yó se yóm tau deng eles golu etahen yóm kógówen elem lanaw ofi.

Jirimaya 29:8

Yó udél yóm Dwata laen dù là gbeken du yóm Dwata yó kem tau Israél, monen, “Bê ye abay hegsukat bè yó kem hlingón tugod dwata ne bè yó kem tau demwata nô bè yó bè Babilun. Hol bê ye abay hmungol ke wen kna tulón le.

Kulasi 2:8

Duhen ni, hol ten-gama ye anì là gfét ye bè yóm tolok lemwót bè ketngón tau te tonok, yóm laen dù lemen. Yóm kul ktolok yó, dnalang le bè tau, yóm gel hentahu yó kem tau gnan, ne dnalang le bè yó kem tulus sidek nô bè klamangen benwu. Là kóen lemwót bè Krays.

Ifisus 5:6

Bê ye abay hegsukat bè yó kem tau gel smonol du yó kem monu yó koni. Lemwót bè yóm gel kmò le du, gnóm le he yóm tey kebut Dwata kul yó kem tau là mimón du.

Mark 13:22

Abay se angat wen sut tô hlingu bè yóm Misaya, ne tô le hlingu bè yó kem tugod Dwata. Angat tey dê hentaw ton hegfan le mò gónó le hol tô smukat yó kem tau deng kun nélék Dwata.

Ifisus 4:14

Ke deng tekuy gulit, là bud tekuy mkél bè knawa ngà ne, gel le mahil gmung. Lemwót bè kgulit tekuy, là mahil tekuy gmung bè yó kem tau tmolok sekban. Gel nit le hetlas yó kem tau lemwót bè yóm khulung le smukat.

Kun Snulat Luk 21:8

Mon Jisas se mò kul, “Hol ten-gama ye anì laen dù tau gónó ye gsukat. Abay se angat dê tau sut tô hlingu béléu. Yó angat mon le, ‘Ou se yóm Misaya.’ Ne yó sotu mon le, ‘Deng hto ne yóm hol són kdaw.’ Okóm bê ye abay hentahu lu.

Kulasi 2:18

Hol bê ye abay hnungol yó kem tau hegeta le knô le bélê ye, lemwót bè yó kem tódô gel hegfan bélê le kun. Lu se yó kem tau alì dmuil hlolò du kuy yóm keheglaan knô là tahuhen lan le gel tmaba ebè yó kem hógów Dwata nô bè longit. Yó kem tau yó, olo le beyen hegmón laen dù lem. Tódô lemwót bè kehedem tau te tonok yóm nmò le yó.

Jirimaya 37:9

Yó bud udél Dwata, monen mò kuy, Ofo kuy mon du ke là bud le semfulék yó kem sendalù Babilun. Kaem bud senfulék le yu he.

Glasya 6:3

Ke yó hendem yóm sotu tau hono hyu yóm gel nmoen, olohen mom tmundug knóen yóm tau yó.