Matyu 24:39 - Udél Dwata: Gna Kesfasad ne Lomi Kesfasad

³⁹ Là kô tngón le du yóm angat sut bélê le. Song imò le hetngón, deng sut bélê le yóm dunuk, ne tódô le gotu mung konul. Lómón yó se kmoen yóm kkól yóm Ngà Tau.

Matyu 24:39 Referans Kwoze

Kun Snulat Jan 3:20

Yóm tau gel mò sidek, tey kenbéen yóm layag, là kóen móyô hloni edu, abay se là móyóen ke gfan yóm ksidek nmoen.

Matyu 24:37

Gu laanen là deng semfulék he yóm Ngà Tau, yó angat nmò yó kem tau te tonok, hol mkél bè yóm tehe kun kdaw Nuwa ekni.

Kul Nmò 13:41

‘Tenngel ye dé, yu kem tau là hemtahuhen. Igò ye se tnga du yóm gel ton ye, deng ye mom megtuled du. Baluen he ke wen tau hol tmulón du kuy yóm nmou ni, ewenem là kô ne ye e hentahu du.’ ”

2 Pitér 3:5

Okóm yó kem tau mon du yóm yó koni, deng tódô klifót le yóm tehe kedlimun Dwata yóm longit ne tonok mlan bè udélen. Yóm tonok tehe nmoen, tódô lemwót gu lem él, ne bè él snéen gónón lemwót mowil yóm kdéen mowil te tonok.

Kem Udél Hlalak Tehe Selumun 29:7

Yóm tau tedeng kmoen són sen-galuhen yóm kguta kem tau élél du yóm kukum tedeng, okóm là kun yóm tau gel mò sidek là kô hendemen du yóm kukum tedeng.

Kem Udél Hlalak Tehe Selumun 24:12

Déke monem, laen kô dou hentngón du, okóm Dwata temngón du yóm nô lem but blututem ne du hemdeng du yóm kóm kmò. Tendo tnanuden u, ne benlayen u ofol geblà bè yóm deng nmoem.

Kun Snulat Luk 19:44

Angat gotu genbà le yó kem gónô ye, ne gomong ye meglà yu kem tau nô lemen. Yó kem beng botu ye, gotu lenusok le. Yó gónó ye angat gmumfak du yóm yó,” monen, “abay se là dog kenmón ye du yóm deng ksut Dwata lem blóng ye mò lemwà kuy.”

Isaya 42:25

Yó gónón hol hegnóm du tekuy yóm tey kebuten ne heglayamen tekuy lem gida. Yóm kebut Dwata, hol lómón ke ofi mken bè klamangen benwu Israél. Okóm balù udì ke tô getnef tekuy yóm nmoen yó, laen kô dog dnalang tekuy du.

Kem Udél Hlalak Tehe Selumun 23:35

Ne monem, “Deng wen smuntuk do, okóm là desen béléu. Deng bnoug le o, okóm là gnómu du. Soke btik naw na bud mebel mò ninumu.” Ni se koni yóm monem ke ni yóm nmoem.

Sulat Pol Ebè Yó Kem Tau Hemtahu Bè Rom 1:28

Lemwót bè yóm kekbê le yóm ktahuhen gbak ebè Dwata, yó gónó Dwata tódô mayà kul. Yó gónóm mon, hono là mólósen yóm kehedem le. Ne baling le tódô galak du yó kem nmò là mólósen yó.

Tekang Kbuten 7:23

Gotu genlà Dwata kdéen mowil talak tonok, kdéen tau ne kdéen ógóf ne kdéen onuk koyu. Tek són Nuwa dù tebel ne yó kem mung du elem yóm kafalen.

Matyu 16:27

Yakà angaten bud semfulék edini yóm Ngà Tau,” mon Jisas. “Bè yóm kesfuléken yó, gfan béléen yóm tey kegeta Maen, ne gotu le mung du yó kem gel hógów Dwata gu bè longit. Bè yóm kdaw yó, tódô gotu blayen yó kem tau yóm balà yóm tehe deng gel nmò le.

Matyu 24:3

Ngang Jisas mógów efet kól bè Bulul Ulib, ne myón bè yó. Omin le mógów ebéléen yó kem gel lemolò du, són lu, snólók le béléen, mon le, “Ó Sér, kilón kdohoen yóm deng tulónem kum yó koni? Tedu de ilô me du yóm bud ksutem ne yóm hol són kdaw?”

Matyu 24:30

Ominen yó he angat gfan gu bè longit yóm kun ilô yóm Ngà Tau. Bè yóm kton le du, tódô kentihen tau talak tonok, gotu le dmumu mkik lemwót bè khuli sel le. Tódô ton le se yóm Ngà Tau htuntun gu tta mung bè lobun. Ne ton le se yóm tey kfasangen ne yóm tey kegetahen.

Matyu 24:40

Bè yóm kdaw yó, ke lewu tau tmiba, sotu nwiten, sotu se tebelen.