Matyu 24:37 - Udél Dwata: Gna Kesfasad ne Lomi Kesfasad

³⁷ Gu laanen là deng semfulék he yóm Ngà Tau, yó angat nmò yó kem tau te tonok, hol mkél bè yóm tehe kun kdaw Nuwa ekni.

Matyu 24:37 Referans Kwoze

2 Pitér 3:6

Ne bud bè él snéen gónón gemlà yó kem tehe tau gnan ekni, tódô gotu hdunuken elem yóm benwu le.

2 Pitér 2:5

Dalang se yó kem tau gnan bè yóm tehe kun kdaw Nuwa ekni, tey kegsalà le. Bede là kô tódô bayà Dwata du kul yóm kegsalà le yó. Yó tafaken kul tódô gotu hlumfaken elem benwu le yóm tey dunuk él, ne gotu le meglà. Són Nuwa là matayen, ne yó kem hitu fes lówóhen. Gu laanen là deng sut yóm dunuk, tódô henlel Nuwa tmolok yó kem tau anì hentedeng le kmò le.

Hibru 11:7

Senged se ke tehe Nuwa ekni. Lemwót bè kehtahuhen gónón tódô mimón du yóm eles hetgama Dwata du bè yóm sut bélê le, balù yóm là deng ktonen du. Tódô nimónen Dwata, duhen yóm kmoen kafal bong mò gónó le nô yó kem fes lówóhen anì là matay le. Yó uléken yóm kimónen yó, gotu le megtuled yó kem dumu tau là hemtahu le. Bong ke Nuwa, tedeng kton Dwata du lemwót bè yóm kehtahuhen béléen.

Matyu 24:39

Là kô tngón le du yóm angat sut bélê le. Song imò le hetngón, deng sut bélê le yóm dunuk, ne tódô le gotu mung konul. Lómón yó se kmoen yóm kkól yóm Ngà Tau.

Tekang Kbuten 6:8

Okóm wen sotu tau boluyen Nuwa gónón hol hyu nawa Dwata.

Matyu 16:27

Yakà angaten bud semfulék edini yóm Ngà Tau,” mon Jisas. “Bè yóm kesfuléken yó, gfan béléen yóm tey kegeta Maen, ne gotu le mung du yó kem gel hógów Dwata gu bè longit. Bè yóm kdaw yó, tódô gotu blayen yó kem tau yóm balà yóm tehe deng gel nmò le.

Matyu 24:3

Ngang Jisas mógów efet kól bè Bulul Ulib, ne myón bè yó. Omin le mógów ebéléen yó kem gel lemolò du, són lu, snólók le béléen, mon le, “Ó Sér, kilón kdohoen yóm deng tulónem kum yó koni? Tedu de ilô me du yóm bud ksutem ne yóm hol són kdaw?”

Matyu 24:27

Bè yóm angat bud kkól yóm Ngà Tau, hol lómón mkal silà, tódô lemayag klamang longit lemwót dmata kdaw kól desdef. Tódô kdéen tau gotu mton du.

Matyu 24:30

Ominen yó he angat gfan gu bè longit yóm kun ilô yóm Ngà Tau. Bè yóm kton le du, tódô kentihen tau talak tonok, gotu le dmumu mkik lemwót bè khuli sel le. Tódô ton le se yóm Ngà Tau htuntun gu tta mung bè lobun. Ne ton le se yóm tey kfasangen ne yóm tey kegetahen.