Matyu 24:35 - Udél Dwata: Gna Kesfasad ne Lomi Kesfasad

³⁵ Angat tódô kmanas yóm longit dalang se yóm tonok. Okóm yóm dou udél,” mon Jisas, “là kóen na a lana.”

Matyu 24:35 Referans Kwoze

Isaya 40:8

Tahu se, mahil menes yóm bnes ne mahil mifù yó kem bulók. Okóm yóm udél yóm Dwata tekuy, laen kô dù nan e són.”

1 Pitér 1:25

Okóm yóm kun Udél yóm gónó tekuy mogot, laen kô dù tul sónen.” Yóm udél monen yó, yó se yóm Tulón Hyu gel hetngón le kuy yó kem tau gel tmolok bélê ye.

Lista 23:19

Yóm Dwata kun, là kóen mkél bè tau gel mò kéng. Là mkélen bè tau gel mesfili kehedemen. Ke wen fasad Dwata, sal gel dnohoen. Ke wen udélen, sal dohò.

Isaya 55:11

Hol lómón yó se yóm dou udél. Là gbeken du ke là wen uléken. Tódô gotu nmoen yó kem dou hmò du.

Matyu 5:18

Tódô tulónu kuy ktahuhen, bè yóm igoen tolo wen longit ne tonok, laen se kô mkó du yó kem tehe hlau Musis, balù sotu bè yó kem leneken, efet deng gotu dohò yó kem kdê tulónen.

Kem Udél Hlalak Tehe Selumun 30:5

Ket yóm fasad Dwata sal gel tahu ne du gel kemlung yó kem tau mlo ebéléen.

Isaya 54:10

Anien ke gotu stunal yó kem bulul, okóm yóm kbong nawahu kuy, laen kô dù sónen. Ne laen dù sónen snéen yóm kenek nawa ye, yó se yóm fasadu kuy.” Ni se udél Dwata, yóm alì kembong nawa kuy.

Kem Lingón 89:34

Là kô gbeku gembà du yóm deng senfasad me. Balù sotu bè yó kem deng fasadu du yó, là kô naw e klifót du.

Taytus 1:2

Yó hol nefeten nim kehtahu tekuy ni, duhen yóm klowil laen dù sónen tendo hendón te. Nim klowil ni, tehe deng fasad Dwata tekuy hnikót là deng dlimunen du he yóm benwu, ne laen kô kéngen yóm Dwata fmasad du yó.

Kem Lingón 102:26

Angat le gotu kmanas se yó, okóm kóm, laen kô dù nam e són. Hol le skél bè nes, angat le gotu bolok. Gotu tenlesem lu lómón nes, ne tódô le lana lem matahem.

Kem Lingón 19:7

Yóm hlau Dwata, tódô ket du, sal gel hnomihen kgis tau. Tey gsalig yóm hlau Dwata. Benlayen khulung hedem yóm tau là mnagien.

Deng Hegfan 3:14

“Budi smulat do ebè yóm fen gel malak yó kem tau hemtahu bè Ludisya, monem mò du, ni se udélen ebélê ye yóm hol dohò tulónen. Du se yóm hol gulit, yóm hol gsalig, yóm tehe hedlimun Dwata yóm kentihen.”

Deng Hegfan 6:14

Ne tódô lana yóm longit, hol lómón yóm sulat lenulun. Ne tódô le gotu lana bè sana kul gónó gel nô yó kem bulul ne yó kem hungul te mohin, là kô bud tonem kul ne.

Deng Hegfan 20:11

Ominu yó bud mton yóm bangkù alì sminang bukay gónón myón yóm fen kmukum, ne tonu se yóm myón tahen. Ne bè yóm ketngelu du, tódô lana bè yó bè soluhen yóm tonok ne longit, là kô bud tonem kul ne, bà udì.

Kem Lingón 119:89

Yóm kóm udél, Dwata, laen kô dù tul sónen yóm tey kbegelen dyó bè longit.

Mark 13:31

Angat tódô kmanas yóm longit dalang se yóm tonok. Okóm yóm dou udél,” mon Jisas, “là kóen na a kmanas.”

Kun Snulat Luk 21:33

Angat tódô kmanas yóm longit dalang se yóm tonok. Okóm yóm dou udél,” monen, “là kóen na a lana.”

Danyél 4:28

Okóm tódô kdê ni kem ni, gotu dohò eta Nibukadnisar.