Matyu 24:28 - Udél Dwata: Gna Kesfasad ne Lomi Kesfasad

²⁸ Angat dohò nim tulónu kuy ni. Lómón yóm gel mon le, ‘Yó se gónón mta lób, yó se gónón e sguku wak.’ ”

Matyu 24:28 Referans Kwoze

Kun Snulat Luk 17:37

Ne mon le mò ke Jisas yó kem gel lemolò du, “Gónóhen angat seblà de nim ni, Sér?” Ne mon Jisas mò kul, “Yó se gónóhen mta lób, yó se gónóhen e sguku wak.”

Dwata 28:49

Angat wen sotu but tau hwit Dwata ebélê ye lemwót bè yóm benwu bè hol són tonok mò gmida kuy, yóm benwu là deng kuy hnikót tngón du udél le. Yóm kmò le kuy, hol lómón ke semkot kemfô yóm banug.

Hbakuk 1:8

Yóm alì kehlóng yó kem kudà le, botong kéng kehlóng yóm sotu ógóf lóbô lem bnes boluyen lipard. Ne yóm alì klóbô le, hol lómón klóbô yóm ohu lóbô lem bnes ke deng bitil. Yó kem tau gmida smakay kudà bélê le, lemwót le gu bè benwu mayuk. Tey kehlóy le yó kem kudà le, hol lómón ke dmauf banug ke wen kenfóen.