Matyu 24:27 - Udél Dwata: Gna Kesfasad ne Lomi Kesfasad

²⁷ Bè yóm angat bud kkól yóm Ngà Tau, hol lómón mkal silà, tódô lemayag klamang longit lemwót dmata kdaw kól desdef. Tódô kdéen tau gotu mton du.

Matyu 24:27 Referans Kwoze

2 Pitér 3:4

mon le, “Nô se yóm Jisas Krays du, igoen sem deng fmasad du kuy yóm bud kesfuléken? Là knahem du ne katay le yó kem tehe fù tekuy ekni. Bede efet nim kmoen ni laen kô dù ilihen yóm kebenwu lemwót bè hol kbuten tehe kedlimun Dwata du.”

Sulat Jim 5:8

Dalang se kuy, hol hanay ye nawa ye. Ne hgel ye nawa ye, yakà dengen moni ne kkólen yóm gónó tekuy mogot.

Malakay 3:2

Okóm bè yóm ksuten, tau du se gembek hembala du? Tau du se gembek mdà bè soluhen bè yóm kdaw kegdeken? Laen duen. Abay se yóm nangat ye yó, hol mkél bè yóm tey ofi gbeken hnò bala tók, duhen ke mkél bè yóm sabun alì lóbô gbeken hbukay nes.

Sikaraya 9:14

Dwata se angat hegfan ta yó kem tauhen. Yóm kegtien yó kem hanaken, hol lómón kal ksilà. Angat huni yóm Dwata hol dandónen geta yóm féwen mò tabahen yó kem tauhen. Ominen mundug yó kem hohonen hol lómón ke lenos bong mbel gu leged gu bè yóm benwu là hyu menwu du.

Matyu 24:39

Là kô tngón le du yóm angat sut bélê le. Song imò le hetngón, deng sut bélê le yóm dunuk, ne tódô le gotu mung konul. Lómón yó se kmoen yóm kkól yóm Ngà Tau.

Matyu 24:37

Gu laanen là deng semfulék he yóm Ngà Tau, yó angat nmò yó kem tau te tonok, hol mkél bè yóm tehe kun kdaw Nuwa ekni.

Matyu 16:28

Tódô tulónu kuy ktahuhen, angat wen he bélê ye bè ni gmafit mton du yóm bud kesfuléken edini yóm Ngà Tau mò kmamal yóm klamangen.”

Malakay 4:5

Ngem, gu laanen là deng sut yóm kun kdaw ktafak yóm sana Dwata hol gónó mogot, angat wen hwitu elem blóng ye duhen Ilaydya yóm sotu tau tugodu.

Matyu 24:3

Ngang Jisas mógów efet kól bè Bulul Ulib, ne myón bè yó. Omin le mógów ebéléen yó kem gel lemolò du, són lu, snólók le béléen, mon le, “Ó Sér, kilón kdohoen yóm deng tulónem kum yó koni? Tedu de ilô me du yóm bud ksutem ne yóm hol són kdaw?”

Matyu 8:20

Mom yó balà Jisas du, monen, “Wen lefunges kul gel nulék yó kem bolos, ne mdengen kul sala yó kem onuk koyu, okóm yóm Ngà Tau, laen dù mdengen gónóhen hegnô.”

Job 38:35

Ne yóm silà, gbekem kô mdók du anì smilà? Gbekem mdók du kemfô kô yóm leték?

Isikél 1:14

Ke sok bang le lemwót lómón ke mkal silà tek sudof, senged se bè yóm kkól le.

Matyu 16:27

Yakà angaten bud semfulék edini yóm Ngà Tau,” mon Jisas. “Bè yóm kesfuléken yó, gfan béléen yóm tey kegeta Maen, ne gotu le mung du yó kem gel hógów Dwata gu bè longit. Bè yóm kdaw yó, tódô gotu blayen yó kem tau yóm balà yóm tehe deng gel nmò le.

Matyu 24:26

Duhen yó, ke mon kem tau, ‘Deng kól bè yóm benwu là hyu menwu du yóm tau deng nélék Dwata,’ bê ye abay mógów etu. Duhen ke mon le, ‘Ni deng hebnos bè ni,’ bê ye abay hentahu.

Matyu 24:44

Duhen yó, eles tendo ningat ye yóm bud kkólen elem blóng ye yóm Ngà Tau, abay se kulel angat kkólen bè yóm uras là gingat ye du.”