Matyu 24:26 - Udél Dwata: Gna Kesfasad ne Lomi Kesfasad

²⁶ Duhen yó, ke mon kem tau, ‘Deng kól bè yóm benwu là hyu menwu du yóm tau deng nélék Dwata,’ bê ye abay mógów etu. Duhen ke mon le, ‘Ni deng hebnos bè ni,’ bê ye abay hentahu.

Matyu 24:26 Referans Kwoze

Isaya 40:3

Wen tmaba, yó utóm tum tabahen, monen, “Eles ye mò lan gu lem yóm benwu laen hol wen tauhen mò gónón mlan yóm gónó tekuy mogot. Eles hen-gifat ye yóm lan nmò ye yó mò lolò yóm Dwata tekuy.

Kul Nmò 21:38

Là uu du kô yóm tau tehe lemwót bè Idyip, yóm fat libu tau mit suk nalaken ditu lem yóm benwu là hyu menwu du, tô mit sfatay bè gubérnor?”

Matyu 3:1

Bè yóm kdaw yó, sut yóm sotu tau boluyen Jan gel mabtays ditu bè yóm benwu laen hol tau menwu du bè prubinsya Judiya. Yó nmoen, gel hetngónen yóm Udél Dwata bè yó kem tau, yó monen mò kul,

Matyu 24:25

Eles tulónu kuy nim ni,” mon Jisas, “anì hol ye getgama.

Matyu 24:27

Bè yóm angat bud kkól yóm Ngà Tau, hol lómón mkal silà, tódô lemayag klamang longit lemwót dmata kdaw kól desdef. Tódô kdéen tau gotu mton du.