Matyu 24:25 - Udél Dwata: Gna Kesfasad ne Lomi Kesfasad

²⁵ Eles tulónu kuy nim ni,” mon Jisas, “anì hol ye getgama.

Matyu 24:25 Referans Kwoze

Kun Snulat Jan 16:1

“Ni se gónóhu eles tmulón du kuy ni kem ni,” mon Jisas, “anì là gtebel ye du yóm kehtahu ye béléu.

Kun Snulat Luk 21:13

Ni se yóm kuy kdaw hol tnana kehetngón du yóm Tulón Hyu lemwót béléu.

Matyu 10:16

“Ngem,” mon Jisas, “bè nim khógówu kuy ni, lómón ke ubiha mógów elem blóng tu kem lóbô lem bnes boluyen wolf. Hol ye hfulung temgama, lómón yóm kul khulung temgama yó kem ulal. Ne hol hninggel ye knawa ye, lómón yóm kul klinggel knawa yó kem obun.

Matyu 24:24

Abay se angat wen yó kem Misaya kéng sut, ne wen yó kem tau lembù tmugod ke Dwata. Angat tey dê hentaw ton hegfan le mò gónó le hol tô smukat yó kem tau deng kun nélék Dwata.

Matyu 24:26

Duhen yó, ke mon kem tau, ‘Deng kól bè yóm benwu là hyu menwu du yóm tau deng nélék Dwata,’ bê ye abay mógów etu. Duhen ke mon le, ‘Ni deng hebnos bè ni,’ bê ye abay hentahu.

2 Kurin 13:2

Yu kem tau deng tehe gel mò sidek ekni, ne yó kem dumu tau bè yó, ni wen eles tulónu kuy. Deng tehe eles tulónu kuy ekni bè yóm gewuhu dulék bud mauy kuy, bede bud nulitu bélê ye nim ni gu laan tekuy là deng bud ston. Yó udélu bélê ye, bè yóm bud kkólu bè yó, laen kô dù tau mò sidek ke là angat tnafaku du.