Matyu 24:20 - Udél Dwata: Gna Kesfasad ne Lomi Kesfasad

²⁰ Hol hni ye bè Dwata anì là geblaen bè yóm bulónen sidek kdaw yóm klóy ye yó, ne anì là geblaen bè yóm Kdaw Kehegnô snéen.

Matyu 24:20 Referans Kwoze

Kehewà 16:29

Hol bê ye abay klifót, ou se yóm sana Dwata hol gónó ye mogot, deng blayu kuy yóm ghituhen kdaw mò kdaw ye hegnô. Yó gónóhem mon bè yóm gnemen kdaw, hbongu yóm ken blayu kuy anì kóyów bè lewu kdaw. Bè yóm ghituhen kdaw yó, tódô ket tau henek bè kun gónô ne hol béen abay tebel yóm gónóen yó.”

Kul Nmò 1:12

Kewót le bè yó bè Bulul Ulib yó kem tehe hógów Jisas, mulék le ebè Jirusalim, tek sotu kilumitru klayuken bè yóm bulul yó.

Matyu 24:19

Kodu le yó kem libun mlutut bè yóm kdaw yó, ne yó kem libun tolo semlé ngà.

Matyu 24:21

Abay se angat tey hlayam bong sok sut bélê ye yóm hlayam monu ni. Ni he yóm hlayam alì sidek bè kdéen hlayam deng sut bè tau lemwót bè hol kbut benwu, ne là se kô bud sneefen du ne.