Matyu 24:17 - Udél Dwata: Gna Kesfasad ne Lomi Kesfasad

¹⁷ Ke wen tau tolo nô bè gónón henos bè gónóen, hol béen tlek bud husek elemen ke mebel mò niten.

Matyu 24:17 Referans Kwoze

Matyu 10:27

Bè yó kem gel tulónu kuy ke kifu, hol bud tulón ye ke kemdaw. Bè yó kem deng gel tulónu kuy sónen yu, hol bud tulón ye bè kdéen tau.

Kul Nmò 10:9

Hayahen bè yó, deng móyónen gtungu kdaw, deng le moni ne bè Jupa. Bè yóm uras yó, lemwót Pitér mógów ebè gónó henos ditu ta na a mni bè Dwata.

Kun Snulat Luk 12:3

Yóm tehe gel sentulón ye lem kifu,” monen, “angat bud gungol ke kemdaw. Ne yóm deng senboyong ye lem dfél sónen yu, angat bud nból bè gónón wen.”

Kun Snulat Luk 5:19

Okóm laen dù bang ton le lan le mit du husek, bà mon se yóm tey tau tendo sembung du. Ne yó tódô nmò le, nit le eta ketef. Ne wen se gónó le hemnas du ditu ta bè yóm gónó Jisas seblà nô, ne tódô tuntun le ebè Jisas yóm tau là gógówen yó koni.

Matyu 6:25

Yó gónóhu mon du mò kuy,” mon Jisas, “bê ye abay tnafa nawa yóm kmò kken ye, ne yóm kmò kinum ye, duhen ke kmò knes ye. Sélét mom kken ye ne là gbek Dwata du, anì sem klowil ye du, Dwata tehe mò du. Ne sélét mom knes ye ne là gbek Dwata du, anì sem lówó ye yó du, Dwata tehe mò du.

1 Samwél 9:25

Timbow le deng mulék gu bè yóm gónó le stifun ta bulul bè yóm kedsù le, omin Samwél mit ke Sol ebè yóm gónó hnos ta ketef gónóen ne hentifesen béléen yóm mò gónóhen tungô bè yó.

Job 2:4

Yó balà Seitan ke Dwata, monen, “Yóm tau són gónón dmóyón kóm ke nuyagem. Ke móyô mowil, kaem gotu blayen kdê nfunen.

2 Samwél 11:2

Sotu kdaw, btik Dabid bè yóm ktungóen kimel, ne yó nmoen, lelen mógów ta ketef bè gónón gel henos bè yó bè gónô bongen. Yóm igoen temngel eta yóm syudaden, tonen yóm libun dyo, libun alì tilob.

Matyu 24:16

Ke sok kól yóm kdaw yó, eles le tódô mlóy elem bulul ne yó kem tau menwu bè prubinsya Judiya.

Matyu 24:18

Ke wen tau tolo nô bè tnibahen, hol béen tlek bud mulék eta ne ke tô bud mebel kgal mfól mò niten.