Matyu 24:10 - Udél Dwata: Gna Kesfasad ne Lomi Kesfasad

¹⁰ Bè yóm kdaw yó, angat tey dê tau knogol le kehtahu le. Ne knutó nawa le yó kem dumu le hemtahu, ne glef le ne hekfô kul.

Matyu 24:10 Referans Kwoze

Kun Snulat Luk 21:16

Bè yóm kdaw yó,” monen, “mom yó angat kmamo kuy, yó kem kuy tuha ne yó kem dumu ye setwoli kkólen bè yó kem dumu ye setwoli eddoli ne yó kem wè ye. Angat wen se hfatay le bélê ye.

Mark 13:12

Bè yóm kdaw yó,” mon Jisas, “angat wen se tau glef hekfô le yó kem hol kul dumu setwoli mò hfatay le. Wen se kem tau, glef hekfô le yó kem hol kul ngà mò hfatay le. Dalang se yó kem ngà, angat glef le hfatay yó kem hol kul tuha.

Matyu 11:6

Hligal kun yóm tau ke là megewu nawahen do.”

Mark 4:17

Sok wen gfà duhen ke hlayam sut bélê le lemwót bè yóm tô kehtahu le, tódô kendel gkogol le.

2 Timuti 4:16

Bè yóm tanay kbalau yó kem tau kmukum dou, balù sotu ke wen mfi do, deng mom gotu sentagak le ou. Deng hnihu bè Dwata anì là snoloen du bélê le.

Matyu 13:21

Okóm là kóen dmolil, tek likót le tô hemtahu. Timbow wen gfà le duhen ke wen hlayam sut bélê le lemwót bè yóm tô kehtahu le, tódô kendel gkogol le yóm tô kehtahu le yó.

Matyu 10:21

Bè yóm kdaw yó, angat wen se tau setwoli, glef hekfô le yó kem kul dumu setwoli ne hfatay le. Ne wen se kem mà, glef hekfô le yó kem kul ngà ne hfatay le. Dalang se yó kem ngà, glef hekfô le kem kul tuha ne hfatay le.

2 Timuti 4:10

Ke Dimas kun, deng mom tódô tnagaken ou lanen dê kenbeyen nawan lem nim benwu ni. Ne ni deng mom kól bè syudad Tisalunika. Lemwót ke Krésén, deng kól bè prubinsya Glasya, ne fen kól bè Dalmasya ke Taytus.

2 Timuti 1:15

Deng tngónem dyó ne kóó yóm deng gotu kestagak le dou yó kem tehe dumuhu lemwót gu bè Asya, balù sem le Fidyilus ne Hérmadyinis.

Matyu 13:57

Ne yó se gónó le kembê du. Mon Jisas mò kul, “Yóm tugod Dwata, laen kô dù madat du bè yóm hol kun benwu. Dalang se yó kem hol kun fes lówó, là kô nadat le du. Tek són yó kem dumu tau bè tólóng benwu madat du.”

Matyu 24:11

Angat tey dê tau sut lembù tmugod ke Dwata, ne tey dê tau gsukat bélê le.