Matyu 23:9 - Udél Dwata: Gna Kesfasad ne Lomi Kesfasad

⁹ Ne hol béen abay wen tnaba ye ‘Mà’ bè yó kem tau genlal ye te tonok. Abay se tek sotu Mà ye, duhen yóm Mà tekuy bè longit.

Matyu 23:9 Referans Kwoze

1 Jan 3:1

Laen bang gónóhu e hmingón du yóm kun alì kbong nawa tekuy yóm Mà tekuy bè longit, botong tnabahen tekuy kem ngaen ne tahu se yóm deng kngaen tekuy yó. Yó gónó le là sfulung ebélê tekuy yó kem tau là hemtahuhen lem nim benwu ni, abay se là deng tngón le ke Dwata.

Hibru 12:9

Bè yó kem mà tekuy te tonok, tey gel kadat tekuy kul baluen ke wen gónó le gel tmedeng tekuy. Mom milud he kadat tekuy du yóm Mà tekuy bè longit anì blayen tekuy yóm klowil laen dù sónen.

Malakay 1:6

Yó udél yóm Dwata laen dù là gbeken du ebè yó kem tau gel blóng ebéléen, monen, “Hol gel nadaten maen yóm ngà ne yóm tóbóng lówó hol gel wen klikoen yóm amohen. Igoen ou mà ye, moen de ke là nadat ye dou? Igoen ou se gónó ye mogot, moen de ke laen dù klikò ye dou? Yu kem tau blóng ebéléu, yu se yóm deng hemgnok do.” Okóm mom yó mon ye mò dou, “Tedu de deng gónó me hemgnok kóm?”

Matyu 7:11

Balù yóm kuy là kgulit,” mon Jisas, “sana khulung ye bemlay kem ngà ye yóm hyu bélê le. Milud he yóm Mà tekuy bè longit. Ke wen hni ye béléen, angat wen tey hyu blayen kuy.

1 Kurin 4:15

Baluen ke sfolò libu tau gel tmóbóng kuy bè kehtahu ye, tek sotuhu yóm mà ye. Ou se yóm hol tanay tmulón du kuy yóm Tulón Hyu lemwót bè Dwata. Ne lemwót bè yóm deng kessotu ye bè Krays Jisas, yó gónó ye menmà béléu.

2 Kurin 6:18

Ou se baling Mà ye, ne yu baling kem dou ngà. Ni se udél yóm gónó tekuy mogot yóm laen dù là gbeken du.”

Kul Nmò 22:1

“Yu kem dumuhu setwoli ne kem mau,” mon Pol, “hol hnungol ye balau du yóm tô nmò ye béléu ni.”

2 Bok Kem Tau Hol Geta 2:12

Bè yóm kton Ilaysa du yóm deng kbatun Ilaydya yó, botong lemangat, monen, “Ó Mà, ó Mà, tonu yó kem klitun tók yó kem tau Israél ne yó kem tau mit kudà demyol kul.” Okóm timbow lana lem matahen Ilaydya, botong kenséen bè gónón sóól yóm nes lafin ta gel leseken, botong ksidek kegnómen du.

Matyu 6:32

Ni se gel tnafa nawa yó kem tau là deng temngón ke Dwata. Okóm yóm Mà tekuy bè longit, deng eles tngónen yóm kwen mu ye du ni kem ni.

2 Bok Kem Tau Hol Geta 13:14

Bè yóm kegnóm Ilaysa du yóm des gónón matay, nauy Juas yóm tau hol geta bè Israél. Bè yóm ktonen ke Ilaysa botong mkik, monen, “Ó Mà, yóm klitun tók yó kem tau Israél, ne yó kem tau mit kudà demyol kul.”

2 Bok Kem Tau Hol Geta 6:21

Timbow tonen lu yóm tau hol geta bè Israél, ominen smólók ke Ilaysa, monen, “Ó mà, hnatayu lu ne kô?”

Matyu 23:10

Bê ye abay móyô ke tnaba le yu ‘Gónô mogot,’ abay se tek sotu gónó ye mogot, sónen yóm Misaya.