Matyu 23:7 - Udél Dwata: Gna Kesfasad ne Lomi Kesfasad

⁷ Dalang se ke mógów le ebè fedyan, kóyô le ke hol nadat tau lu ne ke tnaba le lu ‘Tau tmolok.’

Matyu 23:7 Referans Kwoze

Kun Snulat Jan 1:38

Timbow binguy semfulék Jisas, tódô tonen lu, monen mò kul, “Mò ye de?” Mon le se, “Tô snólók me yóm gónóm gel nô, Rabi?” (Yó lanen yóm Rabi mon le yó, “Tau Tmolok.”)

Kun Snulat Jan 1:49

Mon Natanyél se, “Tahu, Sér, uu se yóm Ngà Dwata. Uu se yóm tau hol geta bè yó kem tau Israél.”

Kun Snulat Jan 20:16

Omin Jisas mon du mò du, “Na Midi.” Omin Midi bud beklil ebéléen, ne monen mò du bè udél Hibru, “Rabuni.” (Yó lanen, “Tau Tmolok.”)

Kun Snulat Jan 6:25

Tikóng ton le Jisas sendifal yóm lanaw, mon le mò du, “Na, Sér, kilón de kkólem bè ni?”

Kun Snulat Jan 3:26

Ne mógów le ebè Jan yó kem gel lemolò du, mon le, “Ó Sér, yóm tau tehe mung kóm sentu Jurdan, yóm tau tehe tulónem kum, ngem, deng mom mabtays se kun, ne ni tódô kdéen tau gotu mógów ebéléen.”

Kun Snulat Jan 3:2

Sotu kifu, mógów ebè Jisas nim Nikudimus ni, monen mò du, “Ó Sér, tódô tngón me uu se sotu tau tmolok hógów Dwata. Laen kô tau gembek mò du yó kem hentaw ton gel nmoem ke là nóen béléen Dwata.”

Mark 10:51

Mon Jisas mò du, “Tedu de yóm hmoem dou?” Mon yó sem tau butô yó, “Htonem ou, Sér.”

Mark 9:5

Mung tódô kudél Pitér se kun ebè Jisas, monen, “Tey hyu ni, Sér, deng me nô bè ni. Hemdà me tlu lowig dé, sotu kóm, sotu ke Musis, sotu se ke Ilaydya.”

Matyu 23:8

Okóm kuy du,” mon Jisas, “hol bê ye abay móyô ke tnaba le yu ‘Tau tmolok.’ Kaem gotu ye setwoli yóm kdê ye, ne tek sotu yóm tmolok kuy.

Matyu 11:16

Bud mon Jisas, “Tedu de kmò kehlingónu kuy yu kem tau kmoen ni? Yó gónóhu e hkél kuy, hol ye mkél bè yó kem ngà là mdengen bè fedyan, tnaba le yó kem dumu le, mon le,

Matyu 26:25

Mudél se Judas, yóm mlay du sumóng, monen, “Ou kô, Sér, gónón e gbak yóm monem yó?” Bnalà Jisas se, monen, “Yó sem deng monem yó.”

Matyu 26:49

Timbow gdek Judas, tódô hekteng ebè Jisas, monen, “Na Sér,” ne ominen melek du.

Mark 11:21

Tódô gtulón bè nawa Pitér yóm tehe kudél Jisas ebè yóm koyu yó, ne monen mò ke Jisas, “Ngem Sér, yóm koyu le henmulaem, deng sana mékéng.”

Mark 12:38

Bè yóm ktolok Jisas kul, monen, “Hol gel ten-gama ye, kô glolò ye yóm kul kmò yó kem tau tmolok hlau. Sónmò le tendo mógów mnes heglomboy. Ne ke mógów le gu lem fedyan, kóyô le ke hol nadat tau lu.

Mark 14:45

Timbow gdek Judas, tódô hekteng ebè Jisas, monen, “Na Sér,” ne ominen melek du.

Kun Snulat Luk 11:43

Angat tey tafak ye, yu kem Farisi. Bè yóm gel kógów ye bè gónô gel stifun yó kem Ju, kóyô ye ke hol hyón le yu bè gónó le myón yó kem tau hol nadat. Dalang se ke mógów ye bè fedyan, kóyô ye ke hol nadat tau yu.

Kun Snulat Jan 4:31

Bè yóm igoen tolo mógów yóm libun yó koni, tô henken le Jisas yó kem gel lemolò du, mon le, “Ó Sér, mkeni dé.”

Kun Snulat Jan 9:2

Ne snólók le bè Jisas yó kem gel lemolò du, mon le, “Ó Sér, moen ke butô lemwót bè ksuten nim tau ni? Mahi du yóm wen salaen, du kô, duhen ke yó kem tuhahen?”

Kun Snulat Jan 11:8

Okóm mon le se mò du yó kem gel lemolò du, mon le, “Ó Sér, là dengen legen he yóm tô kestudà le kóm botu bè yó, ne ni kendeli bud tô mógów etu kô?”