Matyu 23:37 - Udél Dwata: Gna Kesfasad ne Lomi Kesfasad

³⁷ “Yu kem tau menwu bè syudad Jirusalim, sal gel hnatay ye yó kem tau tugod Dwata, ne hnatay sentudà ye botu yó kem tau hógów Dwata ebélê ye. Deng hilu duléku ne tô móyô sembung kuy, lómó tô kmou kuy, lómón yóm mlon gel kenleken elaan hafaken yó kem ngaen, okóm là kô ye dog móyô.

Matyu 23:37 Referans Kwoze

Rut 2:12

Dwata he hol bemlay kóm ofol bè nim deng nmoem ni. Yó hem Dwata yó kem tau Israél, yóm Dwata gónóm deng hofin, hol bemlay kóm yóm ofol là deng sulék tonem du.”

Kem Lingón 91:4

Yó kmoen kóm, lómón ke onuk, lenambungen uu laan hafaken, ne laen kô dù hemenem. Yóm là konol nawahen ebéléem, yó se mò ofinen kóm ne mò klungen kóm.

Kem Lingón 17:8

Hol kenlungem ou lómón keklungem yóm kóm mata. Bnosem ou bè olung yó kem hafakem.

Kem Lingón 36:7

Tey mebtes béléu, Dwata, yóm kbong nawam dou là monolen. Yóm kdéen tau te tonok, sal laan hafakem gónó le e mlo.

Nihimaya 9:26

Okóm yó kem tauhem, Dwata, là kô dog nimón le kóm, deng mom kenbê le uu. Knogol le yóm hlauhem kul. Tódô hnatay le yó kem tugodem gel tô mit kul semfulék ebéléem. Ne deng mom nmò le yó kem alì kenbéem.

Kem Lingón 63:7

abay se són uu yóm tendo tmóbóng dou. Tey kehligalu lemingón bè yóm kofinem dou. Lómó kegnómu du, lómón ke nóe laan hafakem.

Jirimaya 35:15

Són moen wen kem tugodu hógówu elem blóng ye anì hol tebel ye yó kem sidek gel nmò ye ne tenflok ye tmaba ebè yó kem dwata kéng anì menek klowil ye ta yóm tonok blayu kuy dalang se bè yó kem tehe fù ye. Okóm là kô hnungol ye dou ne là se kô nimón ye do.

Matyu 23:30

Ne gel mon ye ke tehe ye deng tau se kuy ekni bè yóm kul kdaw le tehe fù tekuy, là kô ye na a gbót se kuy hmatay yó kem tehe gna tugod Dwata.

Matyu 22:3

Timbow deng hto yóm butengen mò du, ominen hógów yó kem tau mò nmò béléen anì na le e nangay tu kem tau deng tinoken. Okóm mom là dog le móyô mógów yó kem tau deng tinoken yó.

Matyu 5:12

Hol hnigal ye dé ke lómón yó kmò le kuy, abay se deng wen tey ofol deng eles fan Dwata kuy bè longit. Yóm keglayam ye yó, hol lómón sem yó ne yóm tehe kul keglayam yó kem tehe gna tugod Dwata ekni.”

Husiya 11:2

Okóm henlelu tmaba du, henlelen se kmogol do lanen demsù ebè yó kem lennged Baal ne mtem insinsu ebè yó kem dumu dwata lennged.

Kem Lingón 57:1

Hol knoduhem ou, Dwata, hol knoduhem ou, tek són uu gónów gel hofin. Angate hebnos laan hafakem efet gotu mkó yóm tey lenos bong nii.

1 Tisalunika 2:15

Yó kem Ju hmayam kul yó, lu se yóm tehe hmatay ke Jisas yóm gónó tekuy mogot ne yó kem tau tmugod ke Dwata, ne bud lu se yóm gel hemsidek kum. Laen kô dù gónó le hefligal ke Dwata yó kem tau yó, mom hnohon le yó kem dumu le tau.

Matyu 22:6

Ne yó nmò yó kem dumu, mom sensogot le yó kem tau dók yóm tau hol geta, deng mom senboug le lu, ne hnatay le lu.

Sikaraya 1:4

Bê ye abay dnalang kul kmò yó kem tehe fù ye ekni, balù udì ke hnungol le yóm gel tulón le kul yó kem tehe gel tugodu elem blóng le, yóm tehe kmon le du mò kul, ‘Ni se udélen ebélê ye yóm Dwata laen dù là gbeken du, monen, Knogol ye ne yó kem sidek gel nmò ye, hol tenflok ye ne.’ Okóm balù udì ke hnungol le o duhen ke nimón le o.

Husiya 11:7

Yó gónó le gemfà du yó kem yó abay se deng tahu nawa le kmogol do yó kem tauhu. Baluen ke bud le htóbóng béléu, ou yóm Hol Dandónen Geta, là kô bud kenmónu kul.

Jirimaya 26:23

Tahu se, kenfô le ne nwit le mulék ebè Jihuyakim. Omin Jihuyakim hfatay du mlan bè sudeng ne hboten lówóhen bè yóm gónó le gel lembeng yó kem tau laen dù kwa le.)

Jirimaya 2:30

Deng tnafaku yó kem ngà ye, okóm là kô le medlà. Là kô le mimón. Bud yu se yó kem tau tendo gel hmatay yó kem tau tugodu, lómón ke yu yóm liyun tendo módód msék.

Isaya 50:2

Moen de ke là kenmón le dou yó kem dou tau bè yóm tehe kógówu elem blóng le yóm naw e kehewà kul? Moen de ke là bnalà le dou bè yóm ktabahu kul? Ilóem laen dù kgisu kô lemwà kul? Balù yó hem mohin, gbeku tódô hekti du lemwót bè udélu. Ne yó kem él mlel, gbeku tódô hekti kul anì gotu matay yó kem utón él nô lemen, ne henbalingu benwu là hyu menwu du.

Deng Hegfan 17:6

Ne tódô tonu se deng hlengel yóm libun yó lemwót bè yóm gel kinumen yóm litô yó kem tau hemtahu bè Dwata deng hnatayen ne litô yó kem tau là monol nawa le ebè Jisas. Bè yóm ktonu du, ya tey sidek kehtawu du.

Kun Snulat Luk 15:28

Okóm mom lembut yóm logi twogu yó, ne là dogen motun ta. Omin maen mnaul elaan nan e nubug anì motun ta.

Isaya 5:4

Wen kô là nmou du bè yó kem huluhu? Laen duen. Ke deng gotu nmou kdéen, moen de ke alì msom bunguhen? Yó hol hendónu bélê le dé ke hol mnóm. Là yóm ni.

Jirimaya 32:31

“Tódô lemwót bè kbut kehdà le nim syudad ni, laen kô dù dumu nmò le ke là lembute du. Ni se gónóhu gembà du.

Jirimaya 36:26

Okóm mom yó nmoen, dóken Jiramil yóm ngaen logi ne Siraya yóm ngà Asril logi ne Silimaya yóm ngà Abdil logi, anì kenfô le Baruk lewu le Jirimaya. Okóm deng bnos Dwata lu.

Matyu 23:31

Lemwót bè yóm udél ye yó gónón gdilô yóm hol kesfu ye bè yó kem tau tehe mò des yó kem tehe tugod Dwata ekni.