Matyu 23:35 - Udél Dwata: Gna Kesfasad ne Lomi Kesfasad

³⁵ Yó angat guta ye du yóm nmò ye yó, gotu duón Dwata kuy yóm tehe katay le bnonok yó kem tau tedeng kmò le, lemwót bè katay Abél bnonok, yóm tau alì tedeng kmoen, efet kól bè yóm kbonok le ke Sikaraya yóm tehe ngà Berakiya. Tódô kem hnatay le igoen tolo mógów lem blóng yóm Gónô Dwata ne yóm gónó le gel demsù ebè Dwata.

Matyu 23:35 Referans Kwoze

Sikaraya 1:1

Tikóng bè yóm gwoluhen bulón bè yóm gewuhen halay kogot Daryus yóm benwu Pérsya, wen udél Dwata ebè yóm sotu tugoden boluyen Sikaraya yóm ngà Birikaya témê Idu.

Hibru 11:4

Bè yóm tehe Abél ekni, lemwót bè yóm kehtahuhen bè Dwata gónón mò du yóm dsù kun kóyô Dwata, fen là yó dum twoguhen Kain. Lemwót bè yóm kehtahu Abél, yó gónón tedeng kton Dwata du, ne bud bè yó gónó Dwata hemmóyô du yóm dsuen. Balù yóm deng katayen, tolo wen dnalang tekuy béléen lemwót bè yóm kehtahuhen bè Dwata.

Tekang Kbuten 4:8

Sotu kdaw bè yó, mon Kain mò ke Abél yóm twolihen, “Na te slomong ebè tniba dé kemdaw ni.” Tahu se. Tikóng le deng kól ditu bè tniba, tódô kento Kain demlu yóm twolihen ne hnatayen.

Deng Hegfan 18:24

Tódô megtafak yóm syudad Babilun, abay se gotu ton Dwata lemen yóm litô yó kem tehe gna tugoden ne yó kem tau hemtahu béléen tehe bnonok le bè yó. Tahu se, tódô kdê yó kem dumu tau deng tehe hnatay le te tonok, gotu ton Dwata litô le bè yóm syudad bong yó.

Jirimaya 26:15

Okóm eles hol hendem ye ke hnatay ye ou, hnatay ye yóm tau laen dù salaen ne yu mbô du dalang se yóm kdéen tau bè nim syudad ni. Abay se bè ktahuhen, Dwata se fen hógów dou mò eles tmulón du kuy yó kem udél hetgamahen kuy.”

2 Bok Kem Tau Hol Geta 24:4

ne yóm tehe khatay Manasi yó kem tau laen dù salà le, botong lenngeben Jirusalim yóm litô le. Là kô gbek Dwata hmifót du yóm nmoen yó.

Hibru 12:24

Hol lómón ke deng tekuy hloni ebè Jisas. Du se mò du yóm lomi lan mò gónó tekuy hloni ebè Dwata lanen hamà litóen bélê tekuy. Hol lómón ke deng hentsiken tekuy yóm kun litô. Ne yóm litóen yó, tey hyu nefeten senta yóm litô tehe Abél ekni.

Kun Snulat Luk 11:51

kewóten bè katay Abél bnonok efet yóm kbonok le ke Sekariya. Tódô kem hnatay le igoen mógów lem blóng yóm gónó le gel demsù ebè Dwata ne yóm Gónô Dwata. Yó tódô tulónu kuy,” mon Jisas, “angat tnafak Dwata yu bè yó kem kdê tugoden tehe matay bnonok.

Jirimaya 26:23

Tahu se, kenfô le ne nwit le mulék ebè Jihuyakim. Omin Jihuyakim hfatay du mlan bè sudeng ne hboten lówóhen bè yóm gónó le gel lembeng yó kem tau laen dù kwa le.)

Isaya 26:21

Yakà mógówen edini Dwata lemwót gu bè yóm gónóhen nô bè longit nan e tnafak salà yó kem tau te tonok. Angat gotu hetngónen yó kem tau tehe monok là gfanen. Là bud gebnos tonok du se kun yóm tehe gónó le lembeng yó kem tau bnonok le.

Jirimaya 2:34

Yóm nes ye, deng tódô hono lekes litô yó kem tau laen dù gónó le ma ne laen dù salà le. Tódô hnatay ye lu baluen ke laen dù deng hennagaw le bélê ye.

Jirimaya 2:30

Deng tnafaku yó kem ngà ye, okóm là kô le medlà. Là kô le mimón. Bud yu se yó kem tau tendo gel hmatay yó kem tau tugodu, lómón ke yu yóm liyun tendo módód msék.

Isaya 14:21

Yake nbut le ni ne hmatay kul yó kem fes lówóhem yó. Yó kem ngaen logi yóm tau hol geta yó, angat le matay lemwót bè salà yó kem tehe fù le. Laen dù bélê le baling mogot benwu, duhen ke fen hemdà syudad.

Jirimaya 26:8

Okóm tikóng deng ktulón Jirimaya du yóm kdê htugod Dwata du, lemwót yó kem tau gel blóng ebè Dwata ne yó kem tugod Dwata ne kdê yó kem dumu tau nô bè yó tódô kenfô le Jirimaya, omin le hetê, mon le, “Hnatay tekuy.

Kul Nmò 5:28

monen mò kul, “Deng tey mget kmon me du mò kuy hol bê ye abay bud sentbong yóm boluy Jisas. Ngem ni kun, deng mom lengeben Jirusalim gónón e mból yóm gel tolok ye. Lel ye tô hbut du eta me yóm katayen yóm tau yó.”