Matyu 23:30 - Udél Dwata: Gna Kesfasad ne Lomi Kesfasad

³⁰ Ne gel mon ye ke tehe ye deng tau se kuy ekni bè yóm kul kdaw le tehe fù tekuy, là kô ye na a gbót se kuy hmatay yó kem tehe gna tugod Dwata.

Matyu 23:30 Referans Kwoze

Jirimaya 2:30

Deng tnafaku yó kem ngà ye, okóm là kô le medlà. Là kô le mimón. Bud yu se yó kem tau tendo gel hmatay yó kem tau tugodu, lómón ke yu yóm liyun tendo módód msék.

2 Tutul Israél 36:15

Yó nmò Dwata yóm kul Dwata hol gónó mogot yó kem tehe fù le, wen kem tugoden senflós hógówen elem blóng le mò eles hetgama kul, abay se là móyóen gemlà kul, dalang se yóm Gónô gónóhen nô lem blóng le, là móyóen ke gebà.

Matyu 23:29

“Angat tey tafak ye yu kem tau tmolok hlau ne yu kem Farisi, yu kem tau gel hemtedeng knô. Tey tilob yóm gel nmò ye bè yóm tehe gónó le lembeng yó kem tugod Dwata ekni, ne tey keheklóón ye yóm tehe gónó le lembeng yó kem tau tehe tedeng kmò le.

Matyu 23:31

Lemwót bè yóm udél ye yó gónón gdilô yóm hol kesfu ye bè yó kem tau tehe mò des yó kem tehe tugod Dwata ekni.

1 Kurin 10:18

Bud sotuhen se, hendem ye yóm kul kmò yó kem tau Israél. Yó kem tau gbót mken bè yóm ken deng dsù le bè Dwata, deng gbót tmaba bè Dwata ne yóm tau yó.

2 Kurin 1:7

Tey mgel nawa me kuy. Tódô tngón me ke gel ye gbót bè yóm kum gónó glayam, bud ye gomong snéen bè yóm któbóng Dwata kum.