Matyu 23:28 - Udél Dwata: Gna Kesfasad ne Lomi Kesfasad

²⁸ Hol lómón yó se yóm kuy kmò. Tey tilob yóm gel hton ye bè tau, okóm yóm lem hendem ye hono kéng ne hono sidek.”

Matyu 23:28 Referans Kwoze

Kun Snulat Luk 16:15

Yó gónó Jisas mon du mò kul, “Tey dê nmò hegfan ye bè tau anì tedeng kton le kuy, okóm tódô tngón Dwata lem hendem ye. Yó kem alì mebtes bè kehedem tau, bè kton Dwata du, laen kô dù muhen.

Matyu 23:5

Tódô kdê yóm nmò le, són hnebel le yóm ksalù tau kul. Ngem dé kbongen yóm Udél Dwata snulat bkes bè uyó le ne bè sigel le, lel le tey htahà hlumfung bè kilil nes le.

Kem Lingón 51:6

Okóm yó gel sen-galuhem béléu yóm klaen dù kéngu lemwót bè kedket nawahu ebéléem, Ke yó se kóyóem béléu, Dwata, tolokem dou sen yóm khulung hedem lemwót béléem.

1 Samwél 16:7

Okóm yó mon Dwata mò ke Samwél, “Béem tenngel yó dum keklóónen logi ne yóm ktahaen, sundu du yóm néléku. Yóm dou kélék là mkélen bè kélék tau. Yóm tau, són olo tonen yóm gfan ta, okóm yóm dou tenngel yóm nô lem nawahen.”

Kem Udél Hlalak Tehe Selumun 26:26

Baluen ke gebnos yóm utó nawahen senged bud kegfanen bè kmoen snéen yóm sidek nmoen.

Matyu 23:27

Angat tey tafak ye yu kem tau tmolok hlau ne yu kem Farisi, yu kem tau gel hemtedeng knô. Hol ye mkél bè yóm lungun tilob bentulà bukay tahen, okóm lemen hono tiol tau matay, hono unged bolok.

Matyu 23:29

“Angat tey tafak ye yu kem tau tmolok hlau ne yu kem Farisi, yu kem tau gel hemtedeng knô. Tey tilob yóm gel nmò ye bè yóm tehe gónó le lembeng yó kem tugod Dwata ekni, ne tey keheklóón ye yóm tehe gónó le lembeng yó kem tau tehe tedeng kmò le.

Glasya 2:13

Botong le gbót likò bè Pitér yó kem dumu Ju deng hemtahu gbót mken. Balù Barnabas, botong gbót se kun bè yóm kul klikò yó.