Matyu 23:26 - Udél Dwata: Gna Kesfasad ne Lomi Kesfasad

²⁶ Tey ye butô, yu kem Farisi. Na ye gna nolob lemen dé yóm tgayan anì baling mólós tahen snéen.

Matyu 23:26 Referans Kwoze

Sulat Jim 4:8

Hol ye hloni ebè Dwata anì hloni ebélê ye snéen kun. Yu kem tau mò sidek, kó ye ne yó kem sidek gel nmò ye. Ne yu kem tau hemtedeng knô, hólós ye kmò kehedem ye dé.

2 Kurin 7:1

Tu se koni, kem dumuhu sogot nawa, yóm deng fasad Dwata tekuy. Duhen yó, gotu kó tekuy ne yóm kdéen sidek gel nmò tekuy, dalang se yóm kdéen sidek gel hendem tekuy anì laen dù bud belenen yóm gel kmò tekuy. Yó gónó tekuy mò du nim ni anì hol gfan yóm klikò tekuy ke Dwata.

Hibru 10:22

Yó gónóm mon, hol tekuy hloni ebè Dwata dé. Hol hewót tekuy lem but blutut tekuy yóm kehloni tekuy yó, mung du yóm hol kehtahu tekuy béléen. Yakà deng hólósen tekuy Jisas, yó gónón deng mkó ta tekuy ne yó kem salà tehe gel hemblat tekuy. Hol lómón ke deng denyohen tu lem yóm tey él tikaw.

Matyu 12:33

Bud mon Jisas mò kul, “Yóm koyu hyu, hyu se kbunguhen. Ne yóm koyu sidek, sidek se kbunguhen. Tódô ket koyu mungu, sal dilóem bè kmò kbunguhen ke hyu duhen ke sidek.

Isikél 18:31

Tenflok ye ne yóm là gel kimón ye do, hnomi ye kehedem ye ne knawa ye. Moen de ke móyô ye kendel matay, kem tau Israél?

Isaya 55:7

Yó kem tau gel mò sidek, yake hol tnagak le ne yó kem sidek gel nmò le, yake hol tenles le ne kmò kehedem le. Yake hol le semfulék ebè Dwata yóm Dwata hol gónó mogot. Tey knoduhen kem tau ne mahil béléen hmifót salà.

Kun Snulat Luk 6:45

Yóm tau hyu, hyu se kebkóhen lemwót bè yóm hyu nô lem hendemen. Yóm tau sidek, sidek se kebkóhen lemwót bè yóm sidek nô lem hendemen. Yó se gel nô lem hendem yóm tau, yó se gel lemwà bè sumóngen.”

Matyu 14:8

Lemwót se yóm ngà, snólóken bè yéen ke tedu yóm hnihen bè Hirod. Ne yó mon yéen mò du monem mò ke Hirod, “Kulu Jan dé blayem do, hyónem do te huyów.”

Mark 7:4

Ne yóm gel benli le bè fedyan, là kô kendel ken le du ke là na le nolob du. Ne tey dê he dumu gel lolò le. Balù bè tgayan le ne kuleng le ne tukung le, sana gónó le mò du yóm hlau yó, balù yó kem dumu ngom gu lem gónô.)

Kun Snulat Luk 11:39

Omin Jisas mudél ebè yóm Farisi yó, monen, “Yu kem Farisi, ke hlingónu yóm kuy kmò, lómón yóm tgayan ne huyów olo ye molob tahen, là lemen. Igoen yóm nô lemen, tódô hono keseglom, ne hono nmò sidek.