Matyu 23:17 - Udél Dwata: Gna Kesfasad ne Lomi Kesfasad

¹⁷ Tey ye nungel, butô ye. Ilóem kmon ye ke bong muhen yóm tahu blówón senta yóm Gónô Dwata. Là kô yó du. Yó gónón baling mólós bè Dwata yóm tahu blówón yó, abay se deng nô lem Gónóen.

Matyu 23:17 Referans Kwoze

Matyu 23:19

Tey ye butô. Ilóem kmon ye ke bong muhen yóm dsù ye ebè Dwata senta yóm gónó ye gel demsù du. Là kô yó du. Yó gónón baling mólós yóm dsù, abay se deng nô bè yóm gónó le demsù du ebè Dwata.

Kem Lingón 94:8

Ten-gama ye, yu kem tau nungel. Kilón de kbaling ye tau hulung hedem?

Matyu 23:18

Ne bud sotu gel tolok ye, ke safà yóm tau yóm gónô demsù ebè Dwata, bud mon ye là sideken ke nuléhen. Okóm ke safaen yóm dsuen ebè Dwata, gel mon ye là hyuhen ke nuléhen yóm safaen yó.

Hibru 2:11

Du se gembek hólós tekuy bè yó kem sidek gel nmò tekuy. Ne tekuy se yó kem tau hólósen gbót menmà béléen bè Dwata. Yó se gónó Jisas là kemyak moluy tekuy kem dumuhen setwoli.