Matyu 23:16 - Udél Dwata: Gna Kesfasad ne Lomi Kesfasad

¹⁶ Angat tey tafak ye yu kem tau butô tô malak kem dumuhen butô. Bè kuy ktolok, ke wen tau safaen yóm Gónô Dwata, anien ke nuléhen yóm safaen yó, mom mon ye là sideken. Okóm ke yó safaen yóm tahu blówón nô lem yóm Gónô Dwata, mom mon ye là hyuhen ke nuléhen safaen.

Matyu 23:16 Referans Kwoze

Matyu 15:14

Tódô bayà ye lu yó kem Farisi yó. Hol lómón ke tau le butô tô nalak le kem dumu le butô. Ke salak honon butô, kaem angat le gotu geblos elem sol.”

Matyu 23:24

Yu kem tau butô tô malak kem dumuhen butô, tey klolò ye du yó kem hlau lemnek, okóm là nimón ye kul yó kem hlau alì bong muhen.

Matyu 23:17

Tey ye nungel, butô ye. Ilóem kmon ye ke bong muhen yóm tahu blówón senta yóm Gónô Dwata. Là kô yó du. Yó gónón baling mólós bè Dwata yóm tahu blówón yó, abay se deng nô lem Gónóen.

Sulat Jim 5:12

Nim sotu hlolou kuy ni, tey bong muhen bè kdéen, kem dumuhu setwoli. Ke wen senfasad ye, bê ye gel safà longit duhen ke tonok ne ke wen dumu gónó ye smafà. Ke tahu se, tódô monem tahu. Ne ke là tahuhen, tódô monem là. Ke ni se nmò ye, là kô tnafak Dwata kuy.

Matyu 23:26

Tey ye butô, yu kem Farisi. Na ye gna nolob lemen dé yóm tgayan anì baling mólós tahen snéen.

Matyu 23:19

Tey ye butô. Ilóem kmon ye ke bong muhen yóm dsù ye ebè Dwata senta yóm gónó ye gel demsù du. Là kô yó du. Yó gónón baling mólós yóm dsù, abay se deng nô bè yóm gónó le demsù du ebè Dwata.

Glasya 5:3

Bud nulitu bélê ye yóm monu yó koni. Ke wen tau tô htulì anì tedeng kton Dwata du, là kóen hyu ke là tódô gotu loloen du yóm kdéen hlau.

Matyu 23:13

Bud mudél Jisas, monen, “Angat tey tafak ye yu kem tau tmolok hlau ne yu kem Farisi, yu kem tau gel hemtedeng knô. Lómón ke deng mom kendadu ye yóm bak dól bè yóm kogot Dwata tau. Là se kô ye dog gusek kuy, ne deng mom henseng ye yó kem tau móyô mung.