Matyu 23:15 - Udél Dwata: Gna Kesfasad ne Lomi Kesfasad

¹⁵ Angat tey tafak ye yu kem tau tmolok hlau ne yu kem Farisi, yu kem tau gel hemtedeng knô. Glok ye mifal mohin mógów bè yó kem dumu benwu mayuk na a mebel bà tek sotu tau mò lemolò kuy. Bè yóm kloloen kuy, deng mom mkay senta yóm ksidek yóm kuy nmò yóm kun ksidek nmò. Yó gónóm mon, knóón bélê ye nô lem lanaw ofi.

Matyu 23:15 Referans Kwoze

Ifisus 2:3

Bè ktahuhen, lómón yó se tehe kut kmò ekni yóm kdê tekuy. Tódô nmung tekuy yóm knóyô tekuy. Balù kihu knóyô lówó tekuy ne kenbeyen nawa tekuy, tódô nmò tekuy. Yó se gónó tekuy gomong bè yóm kdéen tau deng golu elem tafak Dwata.

Kul Nmò 13:43

Timbow le deng gotu skas bè yó, tey dê tau mung kul le Pol. Wen se tau Ju ne wen se là Juhen, okóm hemtahu le bè Dwata. Tey kegduf Pol ne Barnabas kul anì là hentula le du yóm któbóng Dwata kul.

Kul Nmò 13:10

“Tauhi Seitan nim uu. Hohonem yó kem kdéen hyu. Són nô bè nawahem yóm ksukatem kem tau. Deng mom henkéngem yóm hol ktahuhen lemwót bè Dwata.

Kul Nmò 14:2

Okóm wen se kem Ju hemda du yóm ktolok le. Yó nmò le, dê sidek tulón le yó kem tau là Ju le anì lenbut le yó kem tau hemtahu bè Jisas.

Kun Snulat Jan 8:44

Seitan yóm kuy mà ne tódô lolò ye yóm kun kóyô. Du se yóm hol sana monok lemwót bè hol kbuten. Là kóen tofi bè yóm ktahuhen. Hono kéng yóm kun, abay se yó se sana kun kmò, mò kéng. Hono kéng yóm gel tulónen. Du se hol gónón gu tembul kéng.

Glasya 6:12

Yó kem tau tendo mubug kuy lemolò du yóm hlau bè logi, yó se yó kem tau olo le beyen heklabak ne hton salù bè yó kem dumu le. Abay se ke són yó tô tolok le yóm katay Krays bè kros, ke là hmung le du yóm hlau bè logi yó, angat wen gónó le hemsidek kul yó kem dumu le Ju.

Glasya 4:17

Bong yó kem tau tmolok sekban bélê ye bè yó, hol lómón tô tey hendem le yu, okóm là hyuhen yóm nô lem hendem le. Yó hol kóyô le ke knogol ye ou, ne són lu baling bud lolò ye.

Matyu 5:22

Okóm ni dou tulón kuy, yóm tau ke lenbuten kem dumuhen, angat nwit le bè kukum. Yóm tau ke monen bè yóm dumuhen, ‘Laen dù muhem tau kóm,’ angat nwit le ebè yóm tau gel hemdeng knukum yóm tau yó. Ne yóm tau ke monen bè yóm dumun, ‘Nungeli. Laen dù muhem tau,’ deng golu elem lanaw ofi ne yóm tau mudél yó.

Kul Nmò 17:13

Okóm bè kungol le du yó kem Ju bè Tisalunika yóm bud ktolok le Pol yóm Udél Dwata bè Beriya, bud ktes le lu etu na le e bud senbeweg kehedem yó kem tau bè yó.

Kul Nmò 14:19

Là legenen bè yó, wen kem Ju lemwót bè yóm sotu Antyok snakuf Pisidya, ne bè Ikunyum. Yó nógów le, na le e nofong yó kem tau bè yó anì lenbut le Pol. Tahu se. Yó nmò le, deng mom sentudà le lu botu le Pol, ne tódô sendyol le lu ebè lewà yóm benwu yó, ofo kul mon du ke deng matay ne.

Kul Nmò 2:10

Wen se lemwót bè benwu Frigya ne Pamfilya ne Idyip, balù yó kem benwu glem lem Libya, moni bè syudad Sayrin. Ne wen se lemwót bè syudad Rom.

Kul Nmò 6:5

Ne tahu se, tódô kdê le gotu semkotuk du yóm atul le yó. Ni sii boluy yó kem tau nélék le: Stéfén, sotu tau mbegel kehtahuhen, ne sónmoen galak bè yóm Tulus Dwata. Ne yó boluy yó kem dumuhen, Filip, Prukurus, Nikanur, Timon, Parminas ne Nikulas. Tau lemwót bè Antyok yóm Nikulas ni, là Juhen se kun, okóm deng hemtahu bè yóm kul Dwata yó kem Ju.

Istér 8:17

Bè ket syudad ne ket prubinsya gónón e glalag yóm lomi udin yóm tau hol geta yó ya tey kehligal yó kem Ju nô bè yó. Gotu le hligal mò ken. Bè ktahuhen, bè yóm kdaw yó tey dê tólóng tau hbaling Ju lemwót bè klikò le kul.

Matyu 5:29

Yó gónóm mon, ke mata kwananem mit kóm mò salà, tódô lensitem ne tudaem. Mom hyu béléem he ke lana sotu matahem olo ke nwiten u elem lanaw ofi.

Matyu 3:7

Timbow ton Jan yóm kógów le ebéléen yó kem Farisi dalang se yó kem Sadyusi na le e tô hbabtays béléen, tódô monen mò kul, “Ya nim yu, hol ye mkél bè ulal, gel henlóyen ofi. Ilóu ofo kuy ke tô ye gewà lemen yóm angat tafak Dwata tau ke olo ye hbabtays.

Matyu 23:13

Bud mudél Jisas, monen, “Angat tey tafak ye yu kem tau tmolok hlau ne yu kem Farisi, yu kem tau gel hemtedeng knô. Lómón ke deng mom kendadu ye yóm bak dól bè yóm kogot Dwata tau. Là se kô ye dog gusek kuy, ne deng mom henseng ye yó kem tau móyô mung.