Matyu 23:14 - Udél Dwata: Gna Kesfasad ne Lomi Kesfasad

¹⁴ Angat tey tafak ye yu kem tau tmolok hlau ne yu kem Farisi, yu kem tau gel hemtedeng knô. Yu se kem tau fen gel smukat yó kem libun bolu anì gfun ye gónô le, lel ye alì gel htahà kni ye bè Dwata. Yó se gónó Dwata alì hemsidek du yóm angat ktafaken kuy.

Matyu 23:14 Referans Kwoze

Matyu 23:13

Bud mudél Jisas, monen, “Angat tey tafak ye yu kem tau tmolok hlau ne yu kem Farisi, yu kem tau gel hemtedeng knô. Lómón ke deng mom kendadu ye yóm bak dól bè yóm kogot Dwata tau. Là se kô ye dog gusek kuy, ne deng mom henseng ye yó kem tau móyô mung.

Mark 12:40

Lu se yó kem tau fen gel smukat yó kem libun bolu anì gfun le gónô le, lel le alì htahà kni le bè Dwata. Yó se gónó Dwata alì hemsidek du yóm angat ktafaken kul.”

Kun Snulat Luk 20:47

Lu se yó kem tau fen gel smukat yó kem libun bolu anì gfun le gónô le, lel le alì gel htahà kni le bè Dwata, hlingu le tô mò yóm hyu. Yó se angat gónó Dwata alì tmafak kul.”

Job 31:16

Là deng wen gónóhu tmóbóng kul he kô yó kem tau élél? Ne yó kem libun bolu gel htóbóng béléu, là deng gel tnóbóngu kul he kô?

Matyu 11:24

Tódô tulónu kuy ktahuhen, sok kól yóm kdaw angat kkukum Dwata tau, botong kéng he yóm ktafaken yó kem tau bè Sodom yóm angat ktafaken kuy.”

Matyu 23:33

Ya nim yu kem tau knawa ulal, hono ye semfu gu bè yó kem tau knawa ulal. Tedu kmò kegewà ye lemen du yóm deng kgolu ye elem lanaw ofi?

Kun Snulat Luk 12:48

Bong yóm tau ke là deng tngónen du kun yóm hol kóyô yóm gónóhen mogot, ne gmoen se kun yóm gónóhen megtafak, là katen alì mgel kboug le du. Yóm tau ke bong yóm hogot le du, bong se hendón le béléen. Ne yóm tau ke alì bong se yóm hogot le du, milud se kbongen yóm hendón le béléen.”

2 Timuti 3:6

Wen se bélê le gel motun bè yó kem gmónô anì wen libun hemklingu kul mò mimón yóm tolok le. Yó kem gel hemklingu kul yó, són yó kem libun gel mahil gmung. Yó mò kul, tendo blat kegnóm le du lemwót bè yó kem sidek tehe gel nmò le, kem libun mahil gmung bè yó kem knóyô lówó le.

Taytus 1:10

Yakà dengen dê ne yóm tau là himónen ni kmoen ni. Hol nê yó kem dou dumu Ju deng hemtahu. Laen dù lemen yóm ktolok le, olo le smukat tau.

Sulat Jim 3:1

Ó kem dumuhu setwoli, béen alì wen bélê ye tô hbaling tau tmolok, abay se deng tngón ye se bong mget kkukum Dwata kul yó kem tau tmolok senta yó kem dumu tau.

2 Pitér 2:3

Lemwót bè yóm kebel le filak, tey dê gel tulón le kuy hono kem tulón lemambù. Deng legen ne eles kbuteng Dwata du ne yóm angat ktafaken kul. Són féten, là dengen hto he yóm butengen mò du.

2 Pitér 2:14

Són libun tendo henklol le. Là dengen gsengel nawa le mò du yóm sidek baluen ke hilu dulék le semsulit mò du. Gel hegbóy le yó kem tau là dengen dmolil kehtahu le. Deng hol tahu knalam le yóm knawa sbì. Kaem deng nô ta le ne yóm kegtafak le bè Dwata.