Matyu 23:12 - Udél Dwata: Gna Kesfasad ne Lomi Kesfasad

¹² Yó se tau hegetahen knóen, angat heglaan Dwata. Okóm yóm tau heglaanen knóen, angat hegeta Dwata.”

Matyu 23:12 Referans Kwoze

1 Pitér 5:5

Ne yu kem tau lomi lemnok, hol nimón ye yó kem tau tuha senta ye. Ni hlauhu kuy yóm kdê ye, hol dnalang ye yóm keheglaan bè kem dumu ye. Abay se wen monen bè Sulat Dwata, yóm monen, “Tey kekbê Dwata kul yó kem tau hegmón, bede tnóbóngen yó kem tau hulung heglaan.”

Sulat Jim 4:6

Okóm tey bong któbóng Dwata tekuy senta yóm óyô mò sidek. Wen bud monen bè Sulat Dwata, yóm monen, “Tey kekbê Dwata du yóm tau hegeta knô. Bede tey któbóngen du yóm tau hulung heglaan béléen.”

Kun Snulat Luk 14:11

Yó se tau hegetahen knóen, angat heglaan Dwata. Okóm yóm tau heglaanen knóen, angat hegeta Dwata.”

Kem Udél Hlalak Tehe Selumun 29:23

Yóm keheklabak mit du genef yóm tau, okóm yóm tau heglaan gutahen kadat tau du.

Kun Snulat Luk 18:14

Tódô tulónu kuy ktahuhen,” mon Jisas, “bè yóm kuléken ebè gónóen nim tau gel mtuk bwis ni, deng baling tedeng kton Dwata du. Fen là kun yóm Farisi yó koni. Yó gónóm mon, yóm tau hegetahen knóen, angat heglaan Dwata. Okóm yóm tau heglaanen knóen, angat hegeta Dwata.”

Matyu 18:4

Duhen yó, yóm tau là hegetahen knóen bè kem dumuhen lómón yóm kun nmò nim ngà nii, du se yóm hol geta bè yó kem tau nogot Dwata.

Kem Udél Hlalak Tehe Selumun 15:33

Lemwót bè yóm klikò tau ke Dwata gónón megtolok bè yóm khulung hedem ne là kô guta tau du yóm kegdóyón ke là nan na gna heglaan du knóen.

Matyu 5:3

“Tey kehyuhen bélê le kul yó kem tau ke dilô le yóm kwen gónó le élél bè kehtahu le, abay se deng le sana gmung ne bè yó kem tau nogot Dwata.

Danyél 4:37

Ne ni ou Nibukadnisar, dóyónu yóm Dwata hol geta bè longit ne henlelu hol hegeta du, mung du yóm tey kadatu du. Kdê yó kem gel nmoen, sal tedeng ne hono hyu. Hulung heglaan du yóm tau hegetahen knóen.”

Isaya 57:15

Ou se yóm Dwata hol geta yóm Dwata laen dù belenen yóm hlós mowil laen kô dù tul sónen. Nóe bè yóm hol gónón geta ne hol gónón mólós. Okóm bude nô bè yó kem tau heglaan le knô le ne gel hen-gsel le salà le anì bud huléku ebélê le yóm kgel nawa le do ne anì wen nefet nawa le elem hulin kdaw.

Kem Lingón 138:6

Balù yóm tey kegetahen yóm Dwata, ewenem sal gel sen-gifaen yó kem tau hulung heglaan, okóm hlayuk bè yó kem tau heklabak.

1 Pitér 5:6

Duhen yó, hol ye heglaan bè tum Dwata alì mfasang bè kdéen. Ke ni se nmò ye, tey kehegetahen kuy sok hto yóm kun buteng mò du.