Matyu 22:8 - Udél Dwata: Gna Kesfasad ne Lomi Kesfasad

⁸ Ominen bud tmaba yó kem tau mò nmò béléen, monen, ‘Deng gotu deng ne kdéen. Yó kem tau deng gna tô tinoku, là kóen knóón kken le du kul nim ken nmou ni.

Matyu 22:8 Referans Kwoze

Deng Hegfan 3:4

Okóm tolo wen se bélê ye bè yó bè Sardis, là dengen nusing yóm kuy nes. Angat ye mung do ne wen nes ye bukay, abay se yó se yóm hol knóón bélê ye.

2 Tisalunika 1:5

Ni kem monu ni koni mò ilô yóm tey ktedengen yóm gel kkukum Dwata tau. Yóm keglayam ye yó, yó nefeten knóón ye bè yóm kmung ye bè yó kem tau nogot Dwata. Ni se but yóm keglayam ye ni kmoen ni.

Kul Nmò 13:46

Okóm kul le Pol ne Barnabas, là kô wen klikò le malà kul, mon le, “Igoen hyu ke yu gna tnulón me yóm tulón nwit me, okóm mom kenbê ye. Ilóem ofo kuy mon du ke laen dù mu ye du yóm udél gónó ye gmuta klowil laen dù sónen. Tódô tnagak me yu, mógów me ebè yó ne kem tau là Ju le.

Deng Hegfan 22:14

Bong kehligal le kul yó kem tau deng eles nfuk le yó kem nes le efet deng mólós anì wen kwalis le ghusek bè bak tikeb yóm syudad yó, ne wen kwalis le snéen mken du yóm bungu yóm koyu hlowil tau.

Kun Snulat Luk 21:36

Yó gónó ye eles hol temgama, ne bê ye senkó yóm tendo gel mni bè Dwata anì gbek ye hembala du yóm kdê tulónu kuy ni, ne angat laen kô dù gónó ye myak sok ye mdà bè solu yóm Ngà Tau.”

Kun Snulat Luk 20:35

Okóm yó du kem tau deng knóón ke angat bud hlowil Dwata lu, laen kô dù bud syehen bélê le ne bè yóm klowil le yó.

Matyu 9:15

Ne bnalà Jisas lu, bede hningónen, monen, “Ke wen mò ken, là gbek le du ke là gbót le mken yó kem tau hol bak mulu yóm igoen tolo nô bélê le yóm logi myehen. Okóm angat wen kdawen tódô kwa le du bélê le yóm logi myehen. Yó he kton ye kul fasting.”

Matyu 22:7

Ya tey sidek kebut yóm tau hol geta. Tódô hógówen yó kem sendaluen nan e hfatay lu yó kem tau monok yó, gotu htemen yóm kul syudad.

Matyu 22:9

Mógów ye kut bè tu kem lan lamang, gotu tnaba ye kihu tau ton ye ebè nim ken bong nmou.’