Matyu 22:7 - Udél Dwata: Gna Kesfasad ne Lomi Kesfasad

⁷ Ya tey sidek kebut yóm tau hol geta. Tódô hógówen yó kem sendaluen nan e hfatay lu yó kem tau monok yó, gotu htemen yóm kul syudad.

Matyu 22:7 Referans Kwoze

Kun Snulat Luk 19:27

Bong ni kem tau alì hmohon do ni bè yóm là kóyô le du ke ou yóm mogot kul, gotu nwit ye lu edini, ne gotu hnatay ye lu bè soluhu.’ ”

Kun Snulat Luk 21:24

Angat wen se bélê le matay bè bak sudeng. Ne wen se bélê le kenfô le mò nit le ebè yó kem dumu benwu mayuk. Ne angat tódô genlà le Jirusalim yó kem tau là Ju le efet kól bè yóm kdaw keteflok Dwata kul.”

1 Tisalunika 2:16

Bud lu se hemseng kum bè yóm gel ktolok me bè yó kem dumu tau là Ju le yóm lan le gewà gu lem hatay. Bè nim nmò le ni gónón deng tmakas Dwata. Ne ni, deng nô ta le ne yóm ktafaken kul.

Kun Snulat Luk 21:21

Bè yóm kdaw yó, yó kem tau menwu bè prubinsya Judiya, eles le hol mlóy elem bulul. Ne yó kem tau nô bè Jirusalim, hol le mlóy se kul. Ne béen abay wen bud husek elemen yó kem tau lemwót gu hilolen.

Juwél 3:2

angat gotu sentifunu yóm kdéen sendalù bè klamangen benwu ditu bè Datal Jihusafat. Ditu gónóhu tmafak kul lemwót bè yóm deng kehsidek le yó kem tauhu Israél, abay se deng gotu senkla le lu ebè tólóng benwu, lel le deng gotu semsólól yóm tonok bè Israél, yóm dou tonok.

Juwél 2:25

Yó udél Dwata, monen, “Angat bud huléku ebélê ye yó kem hulu ye deng namà yó kem tey tlangas mfól lem yóm hilu halay. Ou se tehe hemwit du ebélê ye yó kem tey tlangas mfól alì hmayam kuy yó.

Juwél 2:11

Bè yóm igò Dwata malak kul, tódô mensag. Ya tey kwen le yó kem nwiten ne gotu nimón le yóm kdê dóken kul. Tey kenyó yóm kun kdaw Dwata, ne tey sidek. Tau du de gembek hembala du yóm kdaw yó?

Danyél 9:26

Kogol yóm fat latu bud tlu folò fat halay yó, omin le hmatay yóm tau deng nélék Dwata mò kmamal yóm klamangen ne balù udì ke wen tebelen. Ominen wen angat sut sotu tau alì mfasang mogot benwu ne yó angat nmò yó kem sendaluen, gotu genbà le yóm syudad ne yóm Gónô Dwata nô lemen. Yóm kmò kkól yóm hol són kdaw, hol lómón ksut dunuk. Angat wen gida efet kól bè sónen, mung du yóm tey keglayam tau lemwót bè yóm kegbà benwu le, yó se yóm tehe deng eles olu Dwata kul.

Matyu 22:6

Ne yó nmò yó kem dumu, mom sensogot le yó kem tau dók yóm tau hol geta, deng mom senboug le lu, ne hnatay le lu.

Matyu 22:8

Ominen bud tmaba yó kem tau mò nmò béléen, monen, ‘Deng gotu deng ne kdéen. Yó kem tau deng gna tô tinoku, là kóen knóón kken le du kul nim ken nmou ni.