Matyu 22:46 - Udél Dwata: Gna Kesfasad ne Lomi Kesfasad

⁴⁶ Laen dù gembalà du nim snólók Jisas ni. Tódô nbuten bè yó ne laen kô dù bud mlos smólók ke Jisas.

Matyu 22:46 Referans Kwoze

Mark 12:34

Bè yóm kbalaen yó, gónón gdilô yóm khulungen hedem, yó gónó Jisas mon du mò du, “Là mayuken béléem ke hogotem ke Dwata klowilem.” Kogolen bè yó, laen kô dù tau bud mlos smólók ke Jisas.

Kun Snulat Luk 20:40

Kogolen bè yó, là bud le mlos smólók ke Jisas yó kem tau yó koni.

Kun Snulat Luk 14:6

Ne laen dù bang kmò kbalà le du.

Kul Nmò 4:14

Tô senkbê le yóm tulón le, okóm laen dù gmò le, abay se eles mdà bè yó klohok Pitér ne Jan yóm tau tehe kihod.

Kun Snulat Luk 13:17

Bè yóm udél Jisas yó, gotu le mulék myak yó kem hmohon du. Okóm yó kem dumu tau bè yó, gotu le hligal du yó kem dê tennga ton gel nmoen.

Matyu 21:27

Omin le malà ke Jisas, mon le, “Là kô tngón me du balaen yóm snólókem yó.” Ne bud mon Jisas se, “Ke là tngón ye du balaen yóm dou snólók, là se tulónu du kuy gónón lemwót yóm dou kwalis mò du yóm deng nmou bè ni.”

Matyu 22:45

Yóm Misaya myón bè kwanan Dwata yó, yó kboluy Dabid du ‘Gónóhu mogot.’ Tedu se tô kmò klanen du ke mom du yóm bud semfu gu bè Dabid?”

Kul Nmò 7:32

yó monen, ‘Ou se sana kul Dwata yó kem tehe fuem Abraham, Isak ne Jakub.’ Bè yóm kungol Musis du yóm mudél ebéléen yó, tódô setbol kkelen, bà mon tey sidek klikoen. Là kóen dog bud mlos temngel.

Kun Snulat Luk 14:4

Okóm tódô le gotu neb yó kem tau. Omin Jisas mogot yóm tau bnolok, ne hkóhen desen, ne monen mò du, “Muléki ne, Wè.”