Matyu 22:4 - Udél Dwata: Gna Kesfasad ne Lomi Kesfasad

⁴ Ominen wen dumu tau bud hógówen etu bélê le, monen mò kul, ‘Tulón ye kul deng deng ne yóm ken nmou. Deng wen kem safì tnétéu, dalang se yó kem ngà safì mabù, deng gotu tnétéu. Deng gotu deng ne kdéen. Géhél le do edini ne bè nim ken bong nmou bè lówó yóm ngau logi.’

Matyu 22:4 Referans Kwoze

Kul Nmò 13:46

Okóm kul le Pol ne Barnabas, là kô wen klikò le malà kul, mon le, “Igoen hyu ke yu gna tnulón me yóm tulón nwit me, okóm mom kenbê ye. Ilóem ofo kuy mon du ke laen dù mu ye du yóm udél gónó ye gmuta klowil laen dù sónen. Tódô tnagak me yu, mógów me ebè yó ne kem tau là Ju le.

Matyu 21:36

Ominen bud wen tau hógów yóm tau fun hulu yó koni, malù le wadag. Senged snéen kmò le kul yó kem tau mogot hulu.

Sulat Pol Ebè Yó Kem Tau Hemtahu Bè Rom 8:32

Ke là nalihen du yóm hol tek sotu Ngaen, tódô hamaen klowilen bélê tekuy, sélét mom yó ne là blayen du tekuy yóm kdê deng tehe fasaden tekuy.

Kul Nmò 1:8

Okóm ke deng sut bélê ye yóm Tulus Dwata, angat wen se kuy kfasang, ne angat sensból ye bè Jirusalim yóm deng nmou, bud senged se bè klamang prubinsya Judiya efet kól etu bè klamang prubinsya Samarya, ngangen efet lenngeben klamang benwu.”

Kun Snulat Luk 14:17

Tikóng deng hto butengen yóm ken bong yó, ominen hewót yóm tau gel dóken ebè tu kem tau deng tehe tinoken mò bud mbal kul. Yó tulón hwiten du, monen, ‘Géhél ye ne. Deng gotu deng ne kdéen.’

Matyu 22:8

Ominen bud tmaba yó kem tau mò nmò béléen, monen, ‘Deng gotu deng ne kdéen. Yó kem tau deng gna tô tinoku, là kóen knóón kken le du kul nim ken nmou ni.

Kem Lingón 86:5

Tey kehyuhem, Dwata, ne mahil béléem hmifót salà, ne tey kbong nawam kul yó kem tau htóbóng béléem.

Nihimaya 9:17

Là móyô le hmungol, gotu klifót le yó kem dê hentaw ton deng tehe nmoem lem blóng le. Deng kenbê le uu, deng le mom mélék tau mò malak kul mulék ghesek bè Idyip. Okóm uu se yóm Dwata hulung hmifót, tey minggel nawam ne tey bong nawam yó kem tauhem, là kói mahil lembut. Tey kkoduhem kul yó kem tauhem, là kô nam e tódô bayà kul.

Kem Udél Hlalak Tehe Selumun 15:17

Mom hyu he yóm mutón lemnaw ke mung du yóm kesbong nawa, olo yóm mutón tahu utón ke wen sutó nawa mung du.

Matyu 22:5

Okóm yó kem tau deng tinoken yó, là kô le dog hekmón, mom henlel le yóm kul nmò. Lemwót sotu, mógów ebè numahen, ne lemwót sotu, mógów ebè tindaen.