Matyu 22:39 - Udél Dwata: Gna Kesfasad ne Lomi Kesfasad

³⁹ Ne gewuhen yóm alì bong muhen skél du, duhen yóm monen, ‘Kenbong nawahem kem dumuhem lómón yóm kbong nawahem yóm kóm knô.’

Matyu 22:39 Referans Kwoze

Mark 12:31

Ne gewuhen yóm alì bong muhen,” mon Jisas, “duhen yóm monen, ‘Kenbong nawahem kem dumuhem lómón yóm kbong nawahem yóm kóm knô.’ Laen kô dù dumu hlau bong muhen senta ni kem lewu hlau ni.”

Hlolò 19:18

Bê ye bneles yóm tau mò sidek bélê ye duhen ke henlós ye kmutó du nawa. Yó dé nmò ye, kenbong nawa ye kem dumu ye lómón kbong nawa ye yóm kuy knô. Ou se yóm hol gónó mogot.

Glasya 5:14

Abay se yóm kdê hlau Musis yó, kaem gotu glolò tekuy lu ke lolò tekuy yóm sotuhen, yóm monen, “Hol kenbong nawahem kem dumuhem tau lómón kbong nawahem yóm kóm knô.”Okóm ke lómón knawa ógóf lem bnes yóm tendo nô bélê ye, ke sónmò ye sfatay ne sefdes, hol ten-gama ye, déke gotu ye seglà.

Matyu 19:19

Nadatem maem ne yéem. Kenbong nawahem kem dumuhem lómón kbong nawahem yóm kóm knô.”

Sulat Pol Ebè Yó Kem Tau Hemtahu Bè Rom 15:2

Yake gel hegna tekuy ke wen gónó tekuy tmóbóng yó kem dumu tekuy hemtahu anì wen gónón temnù kehtahu le se kul.

Sulat Jim 2:8

Tey hyu ke nimón ye yóm hlolò Dwata yó kem tau nogoten, duhen yóm sotu hlau nô lem Sulaten, yóm monen, “Kenbong nawahem kem dumum lómón kbong nawam yóm kóm knô.”Okóm ke kmihu ye lemwót bè yóm gel ton ta, salà se yó. Ne lemwót bè kulé ye du yóm hlau yó koni, yó se gónó ye megtuled.

Glasya 6:10

Yó gónóm mon, ke wen lan tekuy tmóbóng kem dumu tekuy, hol tnóbóng tekuy lu, sélétem mon bè yóm hol dumu tekuy hemtahu.

Matyu 22:38

Yó se,” mon Jisas, “yóm hlau Dwata alì bong muhen bè kdéen, yóm hol tanayen.

Sulat Pol Ebè Yó Kem Tau Hemtahu Bè Rom 13:8

Béen abay wen utóng ye là bnayad du. Olon yó dé utóng nbô ye, duhen yóm kbong nawa ye kem dumu ye. Abay se ke gotu kbong nawa ye kem dumu ye, deng gotu glolò ye ne yó kem hlau Dwata.