Matyu 22:32 - Udél Dwata: Gna Kesfasad ne Lomi Kesfasad

³² ‘Ou se sana kul Dwata le Abraham ne Isak ne Jakub.’ Bè yóm udél Dwata yó gónó ye temngón du yóm deng bud kehlowil Dwata kul. Abay se yóm Dwata, du se Dwata yó kem mowil, là bè yó kem là mowilen.”

Matyu 22:32 Referans Kwoze

Kehewà 3:6

Ou se sana Dwata yó kem tehe fuem, le Abraham ne Isak ne Jakub.” Bè yóm kungol Musis du yóm udél yó, botong nsengen uyóhen bè yóm alì klikoen temngel ebè Dwata.

Kul Nmò 7:32

yó monen, ‘Ou se sana kul Dwata yó kem tehe fuem Abraham, Isak ne Jakub.’ Bè yóm kungol Musis du yóm mudél ebéléen yó, tódô setbol kkelen, bà mon tey sidek klikoen. Là kóen dog bud mlos temngel.

Hibru 11:16

Okóm wen benwu hendeen le hyu senta yóm benwu yó, duhen yó sem benwu bè longit. Yó gónóm mon, laen kô gónó Dwata myak du yóm kmon le du, “Dwata lolò me kum.” Deng gotu hentifes Dwata bélê le ne yóm benwu gónó le angat nô.

1 Bok Kem Tau Hol Geta 18:36

Bè yóm deng uras kedsù le kimel, lemwót Ilaydya yóm tau tugod Dwata, hloni ebè yóm gónó demsù ne mni bè Dwata, monen, “Ó Dwata, yóm tehe kun Dwata Abraham ne Isak ne Jakub, hol hegfanem udas ni uu yóm kul Dwata yó kem tau Israél, ne ou se yóm tóbóng lówóhem ne deng gotu nmou ni kem hmoem do ni.

Matyu 22:31

Ne bè yóm snólók ye bè angat bud klowil tau, là deng gesfala ye du kô yóm tehe tulón Dwata kuy bè Sulaten? Yóm monen,

Kul Nmò 3:13

Ni se nmò yóm Dwata gónó le hemtahu yó kem tehe fù tekuy ekni, le Abraham ne Isak ne Jakub. Hlanen bè Jisas yóm kmoen du, yóm tau tehe hógówen, yóm deng alì hegetahen ni kmoen ni. Okóm du se yóm deng eted ye elem tdok yó kem tau mogot kukum. Tey kesekbê ye du bè solu Paylét, igò Paylét tô móyô hefewà du.