Matyu 22:30 - Udél Dwata: Gna Kesfasad ne Lomi Kesfasad

³⁰ Bè yóm angat kehlowil Dwata kem tau deng matay, laen kô dù bud angat syehen, abay se angat le mkél bè yó kem hógów Dwata gel nô bè longit.

Matyu 22:30 Referans Kwoze

Matyu 24:38

Yóm gu laanen là deng tehe sut dunuk ekni, yó nmò kem tau mken le, ne minum le, ne syehen le efet yóm khotun Nuwa elem yóm kafal nmoen.

Deng Hegfan 19:10

Botonge tódô hegluduk klohok tihen lanu tô dmóyón du, okóm mom yó monen mò do, “Bê. Béem nmò yó. Tódô senged kut fen gel tóbóng lówó Dwata. Dalang se yó kem dumuhem setwoli là mkó du nawa yóm ktahuhen tehe gel tolok Jisas kul. Olon Dwata dé hol dóyónem.” Yakà ktahuhen du yóm tehe tolok Jisas, yóm ktahuhen yó tehe gel htulón Dwata yó kem tugoden ekni.

Kun Snulat Luk 17:27

Yó nmò kem tau, mken le, ne minum le, ne syehen le efet yóm khotun Nuwa elem yóm kafal nmoen. Ominen yó msut yóm tey dunuk, ne gotu le meglà yóm kdê le.

Matyu 13:43

Okóm kul yó du kem kun tau Dwata, hol lómó angat keslinang le mata kdaw ke sok le deng kól ditu bè yóm benwu nogot Mà le bè longit. Yóm tau wen klinguhen, hol hmungol.”

Kem Lingón 103:20

Hol dóyón ye Dwata, yu kem alì kemgis ne alì gembek gel hógówen gu bè longit. Yu se yó kem tendo gel mimón du ke wen dóken, ne tendo gel hmungol du ke wen monen.

Matyu 18:10

“Hyu ke béen abay wen hen-gnok ye bè ni kem ngà nii. Tódô tulónu kuy, eles wen yó kem hógów Dwata tendo gel nô bè Mà bè longit fen gel semgyok kul.

Sikaraya 3:7

“Ni se udél yóm Dwata laen dù là gbeken du, monen, Ke hol nmoem yóm dou kóyô ne ke hol loloem yó kem hlolou kóm, benlayu u kwalis mò mogot yóm dou Gónô dalang se yó kem dumu nmò bè yó. Gbekem tódô mógów ebéléu lómón yóm gel nmò ni kem hógów Dwata mdà bè ni nii.

Matyu 22:31

Ne bè yóm snólók ye bè angat bud klowil tau, là deng gesfala ye du kô yóm tehe tulón Dwata kuy bè Sulaten? Yóm monen,