Matyu 22:24 - Udél Dwata: Gna Kesfasad ne Lomi Kesfasad

²⁴ Wen se kul snólók bè Jisas, mon le, “Ó Sér, tehe gel mon Musis, ke matay yóm logi igò le là deng mngà yóm yehenen, yóm twolihen tmodol béléen bud lemolò yóm kun yehen anì wen ngaen béléen mò kun sfu yóm twoguhen.

Matyu 22:24 Referans Kwoze

Kun Snulat Luk 20:28

“Ó Sér, wen yóm tehe hlau deng snulat Musis bélê tekuy, yóm monen, ‘Yóm tau setwoli, ke matay yóm twogu le, ne ke wen yehenen tebelen, ne lelen laen deng ngà le he, yóm twolihen tmodol béléen bud myehen du yóm yehen twoguhen anì wen ngà le mò sfu yóm twoguhen deng matay.’Na,” mon le, “tehe yu ekni wen hitu kem logi sesotu sut le. Myehen yóm hol twogu bélê le, okóm kendel matay laen deng ngà le.

Mark 12:19

mon le, “Ó Sér, wen yóm tehe hlau snulat Musis bélê tekuy, yóm monen, ‘Yóm tau setwoli, ke matay yóm twogu le, ne ke wen yehenen tebelen, ne lelen laen deng ngà le he, yóm twolihen tmodol béléen bud myehen du yóm yehen twoguhen anì wen ngà le mò sfu yóm twoguhen deng matay.’Na,” mon le, “tehe yu ekni, wen hitu kem tau ssotu sut le. Myehen yóm hol twogu bélê le, okóm kendel matay igoen là deng wen ngà le.

Kun Snulat Luk 6:46

Ne sotu bud tulón Jisas kul, monen, “Moen de ke gel mon ye ou yóm gónó ye mogot okóm là kô gel nimón ye do?

Matyu 22:36

“Ó Sér, mahi du bè yó kem hlau Dwata yóm hol bong muhen bè kdéen?”

Matyu 22:16

Yó nmò le, wen tau dók le ebéléen, hono kem tau gel lemolò kul, ne wen se bélê le kem kun tau Hirod. Timbow le kól bè Jisas, mon le mò du, “Ó Sér, tódô tngón me sal gel tahu yóm gel tulónem bè yóm kun kóyô Dwata bè tau. Ne laen dù klikoem tmulón du, abay se laen dù tau mtukul henlom nawahem.

Matyu 7:21

“Là kô kdéen du yó kem tau mon du ou yóm gónó le mogot, angat gmung bè yó kem tau nogot Dwata,” mon Jisas. “Tek són olo gmung yó kem tau mimón yóm kun kóyô yóm Mà bè longit.

Rut 1:11

Ne yó bud mon Numi mò kul, “Là, kem Yô, mom hyu he ke tódô ye bud mulék. Moen du ke tô ye mung do? Ilóem ofo kuy kô ke bud wen ngau logi mò hyehenu kuy?

Tekang Kbuten 38:11

Omin Juda mon du mò ke Tamar yóm towuhen, “Muléki ebè kem tuhahem, ne béi tagad myehen efet kbong Sila yóm ngau logi mò bud yehenem.” (Yóm udélen yó, là kóen nô bè nawahen, abay se likò déke bud matay Sila, mkél bè yó kem twoguhen.) Tahu se, mulék ebè kem tuhahen Tamar.

Tekang Kbuten 38:8

Ne yóm mon Juda mò ke Unan, yóm dumun sulil-lem Ir, “Yehenem Tamar, lómón yóm deng monen bè hlau tekuy gbak bè dumun sulil-lem yóm tau deng matay. Yóm gna ngaem béléen ke Ir funen.”

Rut 3:13

Nam tódô nô bè ni sen nim kifu ni. Hlafus haya mógówe ebéléen naw e stulón du, hnénég ke móyô semgifà kóm. Ke móyô bong hyu. Là ke là, ou ne. Dwata mungol du nim monu ni yóm Dwata hlós mowil. Nam na bud hlilil bè ni efet mwas.”

Rut 4:5

Ne yó bud balà Buas du, monen, “Ke tahuhi móyô bemli du yóm tonok Numi tu, là hyuhen ke là homongem ke Rut yóm libun bolu lemwót bè Muab, anì wen dung lówó tum tau deng matay ne anì wen ngaen béléem mò tles bud mfun yóm tonok le.”

Matyu 22:25

Na,” mon le, “tehe yu ekni, wen hitu kem logi ssotu sut le menwu lem blóng me. Ne myehen yóm hol twogu bélê le, bede mom kendel matay igoen là deng wen ngà le. Ne yóm twolihen tmodol béléen bud lemolò yóm yehenen.

Kun Snulat Luk 20:33

Ne ni snólók me béléem ni,” mon le. “Bè yóm angat kehlowil Dwata tau hulin kdaw, mahi du bélê le bud gemyehen du yóm libun yó? Blaem deng le gotu stufì myehen du yóm hitu le.”