Matyu 22:23 - Udél Dwata: Gna Kesfasad ne Lomi Kesfasad

²³ Segeng bè yóm kdaw yó, wen se bè yó kem Sadyusi sut bè Jisas. Ni kem tau ni là kô hentahu le du ke angat bud hlowil Dwata yó kem tau deng matay.

Matyu 22:23 Referans Kwoze

Kul Nmò 4:1

Bè yóm igò le Pitér ne Jan tolo mudél ebè yó kem tau deng stifun bè yó lem Gónô Dwata, sut bélê le yó kem tau gel demsù ebè Dwata, mung kul yóm kfitan bè yó kem tau gel mentey bè Gónô Dwata, ne wen se bè yó kem Sadyusi.

Matyu 3:7

Timbow ton Jan yóm kógów le ebéléen yó kem Farisi dalang se yó kem Sadyusi na le e tô hbabtays béléen, tódô monen mò kul, “Ya nim yu, hol ye mkél bè ulal, gel henlóyen ofi. Ilóu ofo kuy ke tô ye gewà lemen yóm angat tafak Dwata tau ke olo ye hbabtays.

Kul Nmò 5:17

Okóm kun yóm tau hol geta bè yó kem tau gel demsù ebè Dwata dalang se yó kem dumuhen, hono kem tau Sadyusi, tey sidek kélés nawa le yó kem hógów Jisas. Ne mom yó nmò le,

2 Timuti 2:18

Deng mom senyat le yóm ktahuhen, ne senbeweg le yóm kul kehtahu yó kem dumu tau lan le gel mon du deng deng ne yóm klowil tau gu lem hatay.

Matyu 16:6

Ne wen udél Jisas ebélê le, monen, “Hol ten-gama ye yóm kul bulung henok mambang yó kem Farisi ne yó kem Sadyusi.”