Matyu 22:17 - Udél Dwata: Gna Kesfasad ne Lomi Kesfasad

¹⁷ Wen tô snólók me béléem,” mon le. “Gsalà bè hlau tekuy kô yóm gel kbayad te bwis ebè Sisar, yóm tau hol geta bè Rom mogot tekuy? Mò kehedemem du se kóm?”

Matyu 22:17 Referans Kwoze

Kun Snulat Luk 2:1

Bè yóm hanà tolo kegenen du Agustus ekni, yóm tau hol geta bélê le nô bè syudad Rom, wen udin lemwót béléen. Kwadagen tau bè klamangen yóm kun benwu nogot gotu le na a hsulat boluy.

Matyu 17:25

Mon Pitér se, “Igò se.” Kewót Pitér bè yó, husek elem gónô le. Unihen husek, tódô kendel wen snólók Jisas béléen, monen, “Ó Simun, tedu kóm kehedem du nim ni? Bè ni te tonok, tau du se fen gel mayad bwis bè yóm tau hol geta, kem ngaen kô, duhen ke yó kem tau knamalen?”

Kul Nmò 28:22

Okóm móyô me hmungol du yóm kóm tulón, abay se tngón me se tey dê tau semkbê du yóm kóm gónó hemtahu.”

Kul Nmò 25:8

Bnalà Pol lu, monen, “Laen kô deng gónóhu mulé du yóm sana kum hlau mi kem Ju, duhen ke deng nuléhu yóm kum hlau bè Gónô Dwata, duhen ke udin yóm tau hol geta bè Rom, laen kô deng gónóhu mulé du.”

Kul Nmò 17:7

ne nim Jasun nii, fen gel hnalam kul bè gónóen. Gotu nulé le yóm udin Sisar, yóm tau hol geta bélê tekuy, yóm kdê le, abay se gel mon le wen sotu tau hol geta senta Sisar kun, boluyen Jisas.”

Kul Nmò 5:37

Kogolen bè yó, bud wen sotu tau sut boluyen Judas, tau lemwót bè Galili. Uma kóm bè yóm ksuten geblà bè yóm kdaw kehsulat le boluy bè gubérnor yóm kdéen tau. Yóm tau yó, wen se tau gmung béléen, okóm bud bnonok le snéen kun. Tódô le se gotu sekla yó kem tau tehe lemolò du.

Kun Snulat Luk 3:1

Deng sfolò limu halayen ne kegen Tibiryus mogot yóm klamangen benwu. Du se yóm hol tau hol geta bélê le nô bè Rom. Yó gubérnor bè prubinsya Judiya yóm sotu tau lemwót bè Rom boluyen Puntyus Paylét. Ne hkemen ke Hirod yóm prubinsya Galili. Ne lemwót yóm twoli Hirod boluyen Filip, hkem Tibiryus du yóm lewu prubinsya boluyen Ituriya ne Trakunitis. Ne hkemen ke Lisanyas yóm sotu prubinsya boluyen Abilin.

Jirimaya 42:20

Deng tnondo ye ou bè yóm kdók ye dou mni bè yóm sana kut Dwata hol gónó mogot. Yó mon ye, ‘Hol tulónem kum yóm udél yóm sana kut Dwata hol gónó mogot anì nimón me.’

Nihimaya 9:37

Yó kem tey nuta me gotu mógów ebè yó kem tau hol geta mogot kum abay se monem, gel nmò me yóm kenbéem. Tódô nmò le bélê me yóm kul kóyô dalang se bè yó kem ógóf me ne ni, tey sidek keglayam me.

Isra 7:24

Hol bê ye se abay ma bwis bè yó kem tau gel blóng ebè Dwata ne bè yó kem sfu Libay ne bè yó kem tau gel semngal lem Gónô Dwata ne bè yó kem gel mentey bè yó ne bè yó kem tau gel mò nmò bè yó lemen, dalang se yó kem dumu tau wen gel nmò le bè Gónô Dwata, hol bê ye abay ma bwis bélê le.

Matyu 22:18

Okóm tódô tngón Jisas se yóm tô atul le, ne yó monen mò kul, “Tey tau hemtedeng knô nim yu. Moen de ke tô tnilów hnolot ye ou?

Kun Snulat Luk 20:22

Ni tô snólók me béléem,” mon le. “Gsalà bè hlau tekuy kô yóm tendo gel kbayad tekuy bwis ebè Sisar, yóm tau hol geta bè Rom?”