Matyu 22:16 - Udél Dwata: Gna Kesfasad ne Lomi Kesfasad

¹⁶ Yó nmò le, wen tau dók le ebéléen, hono kem tau gel lemolò kul, ne wen se bélê le kem kun tau Hirod. Timbow le kól bè Jisas, mon le mò du, “Ó Sér, tódô tngón me sal gel tahu yóm gel tulónem bè yóm kun kóyô Dwata bè tau. Ne laen dù klikoem tmulón du, abay se laen dù tau mtukul henlom nawahem.

Matyu 22:16 Referans Kwoze

Mark 3:6

Okóm yó kem Farisi, tódô le lemwót bè yó, mógów le ebè yó kem tau genlal bè Hirod, sensatul le yóm kmò khatay le ke Jisas.

Kun Snulat Luk 20:21

Yó snólók le bè Jisas yó kem tau hmolung du yó koni, mon le, “Ó Sér, tngón me se hono tedeng yóm gel tulónem ne yóm gel tolokem. Laen se kô dù mtukul henlom nawahem, bede hono tahu yóm gel tulónem bè yóm kun kóyô bè tau Dwata.

Mark 12:14

Timbow le kól bè Jisas, mon le mò du, “Ó Sér, tngón me sal gel tahu yóm gel benkóhem, balù kihu kmò kehedem kem tau du. Ne laen dù tau mtukul knihuhem, okóm hono tahu yóm gel tulónem bè yóm kóyô Dwata bè tau. Ni snólók me béléem,” mon le. “Gsalà bè hlau tekuy kô yóm gel tendo kbayad tekuy bwis ebè Sisar, yóm tau hol geta bè Rom mogot tekuy? Mayad tekuy kô ke là?”

Mark 8:15

Ne wen tulón Jisas kul, bede hlanen bè hlingón, monen, “Hol ten-gama ye yóm kul bulung henok mambang yó kem Farisi, dalang se yóm ke Hirod.”

1 Jan 5:20

Ne deng tngón tekuy se yóm tehe kógówen edini yóm Ngà Dwata mò na a hetngón du tekuy yóm hol tahu Dwata. Deng tekuy ssotu ne bè yóm hol tahu Dwata lemwót bè yóm deng kessotu tekuy bè yóm Ngaen Jisas Krays. Du se yóm hol tahu Dwata, ne du se gónón lemwót yóm klowil laen dù sónen.

Kun Snulat Jan 18:37

Mon Paylét se, “Ke lómón se yó, tauhi hol geta kô?” Bud mon Jisas se, “Tahu se yóm monem yó, tauhe hol geta. Yó se gónóhu sut lem benwu ne hbaling tau anì naw e tulón yóm hol ktahuhen. Yó se tau móyô lemolò yóm ktahuhen, yó se yóm tau móyô hmungol yóm dou tulón.”

Kun Snulat Jan 14:6

Bud mon Jisas se, “Ou se yóm lan, ne ou se yóm ktahuhen ne yóm klowil laen dù sónen. Laen kô dù tau gógów ebè Mà ke là mlanen béléu.

Kun Snulat Jan 7:18

Yóm tau tódô lembù tmolok, naluhen któtólen. Okóm yóm tau naluhen któtól yóm hógów du, laen kô dù kéng du yóm gel tulónen, hono tahu.

Sulat Jim 3:17

Okóm yóm tau ke lemwót bè Dwata yóm ketngónen, laen kô dù belenen. Gel nmoen yóm gónón menek bè kem dumuhen, lelen ganag nawahen ne wen khulungen mit swè. Tey gel knoduhen kem dumuhen ne lelen hyu kmoen ebélê le. Là kô ton tekuy du béléen yóm nawa kmihu ne laen se kô lafinen yóm nawahen.

1 Tisalunika 2:4

Okóm yóm gel tulón me, sal gel lemwót bè kun kóyô Dwata, abay se deng néléken mi, ne deng sigangen ta me yóm Tulón Hyu. Yó gónóm mon, là kô tau du yóm hefligal me, kaem Dwata yóm fen hemklol du yóm hol nô bè nawa me.

Glasya 2:6

Timbow gungol yó kem tau gel malak bè yó, bà udì ke wen tnù le du. Uma kóm yó kem tau yó, laen kô dù gónón stólóng béléu ke tau malak duhen ke là, abay se yóm Dwata, là knukumen du yóm olon gfan ta.

Glasya 1:10

Nim udélu ni koni, yó kô udél yóm tau ke hnebelen kdóyón le du yó kem dumuhen tau? Là kô yó du. Okóm yó dé hol hnebel nawaw, duhen yóm kdóyón Dwata dou. Là kô hnebelu du ke wen tau dmóyón dou. Ke yó tô nmou, là kóe tau tóbóng lówó Krays ilóu.

2 Kurin 5:16

Duhen yó, là bud hendeng me du ne kul kmò yó kem dumu tau. Balù yóm tehe kehdeng me du yóm kun kmò Krays ekni, okóm là ne ni du, là bud nmò me du.

2 Kurin 4:2

Tey kenbê me kum yó kem nmò sidek gel bnos tau, ne yó kem dumu nmò gónó le gel hemyak knô. Là kô gel nmò me du se kum yóm gel smukat. Bè yóm gel ktolok me udél Dwata, là kô tódô lenbù me du, sal gel tulón me yóm ktahuhen. Ne tódô tngón Dwata se ktahuhen nim monu ni, ne dilô kem dumu tau snéen yóm klaen dù lafinen yóm gel nmò me.

2 Kurin 2:17

Bélê me kum, là kô me mkél bè yó kem dumu tau tmolok Udél Dwata, són filak gel hnebel le. Tey dê se kem tau mò du yóm yó. Okóm lemwót bè yóm khógów Dwata kum, tey gulit kmò me du yóm hmoen kum, hol lómón ke nô me bè soluhen bè yóm gel ktolok me, yakà deng me tóbóng lówó Krays.

Kun Snulat Luk 7:40

Ne tódô hebkó mudél ebéléen se Jisas, monen, “Ó Wè Simun, wen tô tulónu kóm.” Ne mon Simun se, “Tulónem dou sen, Sér.”

Mark 10:17

Timbow le deng bud tô lemwót le Jisas, wen sotu tau mlóy ebéléen, tódô tuden bukolen bè soluhen, ne monen mò du, “Ó Sér, uu se yóm tau hyu kmoen. Wen tô snólóku béléem. Tedu de tô nmou du anì gutahu yóm klowil laen dù sónen?”

Matyu 26:49

Timbow gdek Judas, tódô hekteng ebè Jisas, monen, “Na Sér,” ne ominen melek du.

Matyu 26:18

Ne mon Jisas se mò kul, “Mógów ye ebè yóm sotu tau bè syudad Jirusalim, mon ye mò du, ‘Ni se tinoken ebéléem yóm tau gónó tekuy gel htolok, monen, Deng hto ne yóm buteng tehe olu Dwata do. Nmou bè gónóem yóm mò ken bè Kdaw Khius, mung do yó kem gel lemolò do.’ ”

Matyu 22:26

Okóm bud matay snéen kun gu laanen là deng wen ngà le. Ne senged se yóm getlu twolihen. Ngang le stufì slolò efet kól bè yóm ghitu le, ne senged gotu katay le.

Matyu 22:24

Wen se kul snólók bè Jisas, mon le, “Ó Sér, tehe gel mon Musis, ke matay yóm logi igò le là deng mngà yóm yehenen, yóm twolihen tmodol béléen bud lemolò yóm kun yehen anì wen ngaen béléen mò kun sfu yóm twoguhen.

Malakay 2:9

“Duhen yó, lemwót bè nim deng nmò ye ni, angat heglaanu yu bè solu yóm kdéen tau Israél ne angat kenhisik le yu lemwót bè yóm là kimón ye yóm dou kóyô. Ke gel ye kmukum là tedengen, sal wen nfi ye,” udél Dwata ebè yó kem tau mò blóng tau ebéléen.

Malakay 2:6

Gotu tulón le bè yó kem tau yóm ktahuhen lemwót béléu. Laen dù kéng nmò le. Tey tilob klolò le do, hono hyu ne hono tedeng yóm gel nmò le. Tey dê tau tnóbóng le anì knogol le yóm sidek.

Kem Udél Hlalak Tehe Selumun 29:5

Yóm tau là tahu ksaluen kdumuhen hensideken kun knô.

Kem Lingón 55:21

Tey lendey udélen, okóm lem but blututen hono utó nawa. Tey hyu udélen anì monem ktelem sudeng.

Kem Lingón 12:2

Yó kem tau sebét, deng sket kul tmulón kéng bè yóm ket kul ba sotu. Dóyón le kem dumu le mò lan le smukat kul.

Kem Lingón 5:9

Yó kem hohonu, laen kô dù tahu tulón le. Són hendem le kmò keglà le kem dumu tau. Tey sidek yó kem udél le, hol lómón ke boo tau matay deng bolok. Yóm kudél le tey mnóm, bede hono sukat mit hatay.

1 Bok Kem Tau Hol Geta 22:14

Okóm yó balà Mikaya du, monen, “Mlan bè boluy yóm Dwata là matayen, són olo tulónu yóm htulónen do.”

Dwata 33:9

Deng hegfan le yóm hol kget yóm kegfi le béléem senta yóm kegfi le bè yó kem tuha le ne bè yó kem dumu le setwoli ne bè kem ngà le. Deng gotu nimón le yó kem hlauhem kul ne tey kehteneb le lemolò du yóm deng senfasad ye.

Mark 12:13

Ne wen se bè yó kem Farisi ne bè yó kem kun tau Hirod hógów le ebè Jisas, wen snólók le béléen mò dalil duón le du.