Matyu 22:13 - Udél Dwata: Gna Kesfasad ne Lomi Kesfasad

¹³ Omin yóm tau hol geta yó, mdók yó kem tau gel mò nmò béléen, monen, ‘Ni nfét ye sigelen ne tihen, bot ye etu bè lewà bè gónón alì kmifu anì bè yó gónón tendo heslaf ne dmumu mkik, ne sembéhé kakim.’ ”

Matyu 22:13 Referans Kwoze

Matyu 8:12

Okóm yó kem Ju, yóm hol bak mfun du yóm kogot Dwata tau, là kô le gmung kul. Angat gotu tudà le lu ditu ebè yóm gónón alì kmifu, ne bè yó tendo gónó le heslaf dmumu mkik, ne sembéhé kakim.”

Matyu 25:30

Bong yóm tau laen dù mu yó, tódô tudà ye etu bè lewà bè gónón alì kmifu, ne bè yó tendo gónón heslaf ne dmumu mkik sembéhé kakim.’ ”

2 Pitér 2:17

Yó kem tau tmolok sekban yó, hol le mkél bè yóm kokol deng kti, duhen ke yóm lobun mung hfolis bè lenos, bà setlek él ke hebtangen. Deng wen ne yóm alì gónón kmifu deng eles hetfing Dwata bélê le.

2 Pitér 2:4

Tehe yu ekni, wen sidek nmò yó kem tehe hógów Dwata gu bè longit, bede là kô tódô bayà Dwata du kul. Yó tafaken kul, tódô boten lu elem yóm tey sol leyóng kmifu mò gónón bmanggù kul efet kehto yóm buteng kkukumen kul.

2 Tisalunika 1:9

Angat gnóm le yóm tafak laen tul sónen. Gotu hdóhen lu bè solu yóm gónó tekuy mogot, tódô hlós ne yóm keskó le béléen ne là se bud ton le du yóm tey alì kfasangen

Kun Snulat Luk 13:28

Ngem he,” mon Jisas, “angat tey keheslaf ye dmumu mkik ne sembéhé kakim kesok ton ye lem kun benwu nogot Dwata yó kem tehe fù tekuy, le Abraham ne Isak ne Jakub, ne dalang se yó kem kdê tehe gna tugod Dwata. Okóm yó dum kuy, angat tódô tudà le yu.

Matyu 24:51

ne tódô hnatayen yóm tau là gulit kmoen nmò yó, hegbunuen du yóm kul glumfak yó kem tau gel hemtedeng knô. Ne bè yó gónón tendo heslaf ne dmumu mkik sembéhé kakim.”

Matyu 13:50

Yó kmò le yó kem tau sidek nmò le, gotu tudà le lu elem lanaw ofi. Ditu gónó le alì heslaf dmumu mkik, ne sembéhé kakim.”

Matyu 13:42

Gotu tudà le lu elem lanaw ofi. Ditu gónó le heslaf dmumu mkik, ne sembéhé kakim.

Deng Hegfan 21:27

Okóm là kóen gusek bè yó yóm là mólósen, duhen yóm tau gel mò yóm gónón hemyak knô, ne yóm tau gel mò kéng. Són olo gusek, són yó kem tau deng gsulat boluy le bè yóm bok lowil, duhen yóm kun bok yóm Ngà Ubiha.

Sulat Jud 1:13

Ne bud le mkél bè lewók mohin ke lemnos. Sal gel wen bulok gedway ebè kililen. Hol lómón se yó ne kmò yó kem tau yó, sal gel gfan yóm ksidek gel nmò le, yóm gónó le hemyak knô le. Mkél le snéen bè yó kem blotik tabag, laen mdengen lan lolò le. Deng eles wen yóm tey benwu kmifu deng hentifes Dwata bélê le, ne laen kô dù sónen yóm knô le du.

Sulat Jud 1:6

Ne sotuhen, yó kem tehe gel hógów Dwata gel nô bè longit ekni, mom hnuda le yóm deng sigang Dwata ta le, ne tódô tnagak le yóm hol gónó le nô. Yó kmò Dwata kul, tódô hnengked nféten lu yóm kdina là gekas du ditu bè yóm benwu alì kmifu laan tonok. Hatan tnafaken lu ke deng hto yóm kdaw kkukumen kul.

Kul Nmò 7:54

Kogol yóm kudél Stéfén ebè yó kem tau hol geta mogot kukum, ya tey sidek kebut le du, sónmò le semdeken beeng le.

Matyu 13:30

Na ye tódô hbungu lemen he yó kem halay. Sok kól bè angat kutahu du, gna hekdutu yó kem tau muta yó kem kluon yó, gotu benkes lu ne ntem le. Omin yó he muta yó kem halay, ne omin ye mogut kul ebè fol.’ ”

Matyu 12:29

Yóm kul ogot yó kem tulus seitan,” mon Jisas, “hol lómón yóm tau kemgis. Laen kô dù tau gusek elem gónóen na a ma yó kem kimuhen ke là nan gna nfét du yóm tau kemgis yó. Ke deng gféten, yó he kegwahen yó kem nóyóen lem gónóen. Hol lómón yó se yóm deng nmou bè Seitan.

Isaya 52:1

Ó Jirusalim, hekgisi. Angati bud mulék geta. Uu se yóm hol kun syudad Dwata, bud hen-gulékem knóem anì bud mulék yóm keheklóónem. Là kô le bud husek ebè bak tikebem yó kem tau là hemtahu le bè Dwata.

Kem Lingón 112:10

Yóm kul kmò yó, gel ton yó kem tau gel mò sidek, deng le mom semdken beeng botong kebut le du. Okóm yó kem tau sidek nmò le yó, tódô le kendel lana lem benwu, là balingen yó kem tô atul le.

Kem Lingón 37:12

Yó kem tau gel mò sidek, gel natul le ktondo le yó kem tau hyu kmò le, lel le kmutó nawa kul.

Kul Nmò 21:11

Mógów ebélê me, ne tódô nwahen yóm hilet Pol, gotu lébéden gu bè tihen ne bè sigelen. Yó udélen, monen, “Ni se udél yóm Tulus Dwata, monen, lómón ni se angat nmò le béléen yó kem dumuhen Ju bè Jirusalim, yóm fun nim hilet ni, ne angat eted le elem tdok yó kem tau là Ju le.”

Kun Snulat Jan 21:18

Tódô tulónu kóm ktahuhen,” mon Jisas, “yóm hanà tolo klomihem tau, sónmoem tendo gel hget lemsek nes, ne kihu kóm gónó móyô e mógów. Okóm ke dengi tuha tau, angat tódô sendololem sigelem, ne tólóng tau fen mfét kóm, ne nwiten uu ebè yóm gónóhem là móyô e mógów.”

Danyél 3:20

Ominen mdók yó kem sendalù alì kemgis bè yó kem sendaluen mò mfét kul le Sadrak ne Misak ne Abidnigu mò mbot kul elem ofi.