Matyu 22:12 - Udél Dwata: Gna Kesfasad ne Lomi Kesfasad

¹² ‘Kmò khusekem elemen kóm du Wè, igoem là lemsek du yóm nes bè gónô mò ken?’ Ne là se kóen gudél yóm tau yó.

Matyu 22:12 Referans Kwoze

1 Kurin 4:5

Yó gónóm mon, bê tekuy abay kendel hendeng kun kmò sotu tau gu laanen là deng kól yóm hol bantang kdaw. Tódô nangat tekuy bè kun kmò du yóm gónó tekuy mogot sok semfulék edini. Bè yóm kdaw yó, angat gotu hegfanen yóm kdéen gebnos nmò tau. Dalang se yóm kdéen gbuni nô lem hendem tau, gotu hegfanen. Ne yó he kguta kdéen tau du yóm kdóyón Dwata kul duhen ke là.

Matyu 20:13

Bnalà yóm tau fun hulu yóm sotu tau mudél ebéléen, monen, ‘Ó Wè, là kô lenugihu kóm. Igò tekuy sem deng hyu semtulón du du eginu yóm sukéy ye sendaw.

Job 5:16

Yó gónóm mon, wen nefet nawa yó kem tau élél ne Dwata fen hemseng kul yó kem tau là tedeng nmò le.

1 Samwél 2:9

Gel kenlungen yó kem tau mimón du, okóm yó kem tau mò sidek són le lem gónón kmifu. Laen dù gendeng tau ke mlan bè kun kgis.

Taytus 3:11

Abay se monem deng gesyat. Yóm sidek gel nmoen yó gónón gdilô yóm deng kegesyaten.

Matyu 26:50

Omin Jisas mudél ebè Judas, “Yó ne, Wè, géhél nmoem yóm nógówem.” Omin le gotu demlu kemfô ke Jisas, ya tey kget kogot le du.

Jirimaya 2:26

Yó udél Dwata, monen, “Yóm tau mnagaw, tey sidek kyaken ke gekfô. Lómón yó se kuy kem tau Israél, angat tey sidek kyak ye bè yóm kekfóu kuy yóm kdê ye, gomong yó kem tau hol geta bélê ye ne yó kem genlal ye ne yó kem tau gel blóng ye ebéléu ne yó kem tau tugodu, angat tey sidek kyak le.

Jirimaya 2:23

Okóm yó gel udél ye, ‘Kéng yóm monem yó. Là kô me gel tmaba ebè Baal se kum.’ Okóm hnénég ye dé yóm deng nmò ye ditu bè sbong. Hol hendem ye yóm deng nmò ye bè yó. Bè yóm kektes ye yó kem dumu dwata, hol lómón ke yu yóm kamél libun móyô logi, sónmoen mlóy sembeweg mebel tô lanen.

Kem Lingón 107:42

Ni kem nmò Dwata ni, gotu ton yó kem tau tedeng kmò le, ya tey kligal le. Okóm yó kem tau sidek nmò le, là kô le gudél kul.

Sulat Pol Ebè Yó Kem Tau Hemtahu Bè Rom 3:19

Nim udél Dwata ni koni, deng tngón tekuy se yóm kegbaken ebélê tekuy kem Ju, kem tau gónó Dwata hemsù yóm hlauhen. Angat gotu hdaen bè soluhen yóm kdéen tau bè klamangen benwu. Yó gónóm mon, laen dù lan tekuy kembê du ke tnafak Dwata tekuy bè yóm kulé tekuy yóm kun hlau.

Matyu 5:20

Tódô tulónu kuy,” mon Jisas, “song ye gmung bè yó kem tau nogot Dwata bè longit ke hol ye hgulit lemolò du yóm kun kóyô Dwata senta yóm kul kgulit yó kem tau tmolok hlau ne yó kem Farisi.”