Matyu 22:10 - Udél Dwata: Gna Kesfasad ne Lomi Kesfasad

¹⁰ Tahu se, kewót yó kem tau dóken, gotu le mógów ebè tu kem lan lamang, gotu sentifun le yó kem tau ton le. Wen se bélê le kem tau hyu kmò le. Wen se kem tau gel mò sidek. Gotu sentifun le lu efet tódô meskel lem yóm gónô gónó le mò ken bong yó.

Matyu 22:10 Referans Kwoze

Deng Hegfan 7:9

Kogolen bè yó, bud nkayu ketngelu, ne tódô tonu se yóm tey genged tau. Ya tey kwen le, laen kô gembek msó kul. Lemwót le gu bè klamangen benwu, bè ket but tau, ne bè ket ból tau, ne bè ket udél tau. Gotu le mdà bè solu yóm gónón myón yóm fen kmamal lewu le yóm Ngà Ubiha. Gotu le mnes bukay, ne sket kul mogot doun koyu.

1 Jan 2:19

Yó kem tau hmohon du yó, deng le tehe gel mung bélê tekuy snéen, okóm là tahu le hemtahu, yó gónó le tmagak tekuy. Ke tahu le hemtahu, là kô deng tnagak le tekuy. Yóm ktagak le tekuy yó, yó se gónón gfan yóm là klolò le du yóm kut lolò.

2 Kurin 12:21

Sotu tnafa nawahu ke mógówe edyó, kô fen henyak Dwata ou lem blóng ye, ne angat btang lewoku ke dê tau tonu là deng hen-gsel le du yó kem sidek tehe nmò le, duhen yóm alì kektes le du yóm knóyô lówó le ne yóm kmò le samuk.

Matyu 25:10

Kogol yóm kewót le, kól se yóm logi myehen, ne tódô hlós ebè yóm gónô gónó le mò ken bè lówóhen, ne gmung yóm limu kem libun hulung hedem. Yóm kkól le bè yó, gotu le husek elemen, ne tnikeb le beng.

Deng Hegfan 5:9

Ne semngal le yóm lomi sngal, monen, “Són u se yóm knóón bang ma du yóm sulat lenulun ne mkó yó kem dketen, yakà uu du yóm deng tehe hnatay le. Lemwót bè yóm litô namaem yó, yó gónón wen tau benlihem mò kun tau nfun Dwata. Yó kem tau benlihem yó, tódô lemwót bè ket but tau, ne bè ket udél tau, ne bè ket but tau.

Matyu 13:38

Ne yóm dnadu, hningónen yóm klamangen benwu. Ne yóm bnék hyu yó, duhen yó kem tau deng nogot Dwata. Yó hningón yóm kluon gbol lemen, duhen yó kem tau deng nogot Seitan.

Matyu 9:15

Ne bnalà Jisas lu, bede hningónen, monen, “Ke wen mò ken, là gbek le du ke là gbót le mken yó kem tau hol bak mulu yóm igoen tolo nô bélê le yóm logi myehen. Okóm angat wen kdawen tódô kwa le du bélê le yóm logi myehen. Yó he kton ye kul fasting.”

Matyu 22:9

Mógów ye kut bè tu kem lan lamang, gotu tnaba ye kihu tau ton ye ebè nim ken bong nmou.’