Matyu 21:6 - Udél Dwata: Gna Kesfasad ne Lomi Kesfasad

⁶ Tahu se, lemwót yó kem lewu hógówen yó koni, tódô nmò le se yóm deng mon Jisas mò kul.

Matyu 21:6 Referans Kwoze

Kun Snulat Jan 15:14

Weu yu ke nimón ye yóm hlauhu kuy.

1 Samwél 15:11

“Tey kegselu yóm kmou ke Sol tau hol geta bélê ye. Deng knogolen o ne là bud nimónen du yó kem hlolou du.” Tey sidek kegnóm Samwél du ne tódô suloyen buteng hkodu mni bè Dwata.

Kehewà 40:16

Tahu se, gotu nmò Musis yóm kdê deng hlolò Dwata du.

Tekang Kbuten 12:4

Bè yóm kewót Abram bè yó, deng hitu folò limu ne halayen. Tódô lemwót, tebelen yóm syudad Haran lómón yóm deng mon Dwata mò du ne mung du Lat.

Tekang Kbuten 6:22

Tahu se, gotu nmò Nuwa yóm kdê deng hmò Dwata du.”

Matyu 21:5

“Hol tulón ye yó kem tau menwu bè Sayun, mon ye, Ngem deng sut yóm tau hol geta bélê ye, tau là kóen hegeta knô, smakay asnu. Snakayen yóm nati asnu.”

Matyu 21:7

Nalak le ebè Jisas yóm asnu, mung du ngà natihen, afid le du dumu nes le, ne hsakay le ke Jisas.